O Club Balonmano Cisne xa arrincou o motor e comezou o período de preparación de cara á tempada 2021/2022 en División de Honra Prata. Fíxoo o pasado martes cun persoal descafeinado debido ás ausencias do seu adestrador Jabato e os xogadores Pablo González, Carlos Álvarez e Dani Virulegio (os dous últimos recentemente renovados coa entidade pontevedresa), quen se atopan concentrados coa selección española xuvenil na disputa do Campionato de Europa de Croacia 2021.
Ante a ausencia de Jabato, os adestramentos durante estas primeiras semanas corren a cargo de Quiños, con Víctor Castro e Santi Garrido como axudantes. Unha primeira semana na que as sesións foron dirixidas a tomar un primeiro contacto cos xogadores, exercendo un ritmo baixo de face a reencontrar sensacións tras as vacacións, mentres que nas próximas xa empezará a aumentar o ritmo cunha preparación máis intensa tanto no técnico como no físico. Para mellorar esta última faceta, este ano o club suma ás súas filas a Sergio Rey, preparador físico que traballará á beira de Alberto Mouriño, e que o luns tivo a primeira sesión cos xogadores dispoñibles nunha xornada de valoracións artro-musculares e funcionais para establecer traballo correctivo e preventivo individualizado.
Os primeiros compromisos amigables para a entidade terán lugar este fin de semana, nos que se enfrontará en Redondela ao Balonmán Chapela ás 21.15 horas do sábado, mentres que o domingo viaxará a Tui para medirse ao Águas Santas, equipo profesional portugués clasificado para a EHF European League.
Un partido contra un rival de altura que servirá para medir aos mozos xogadores que disputarán esta tempada na escola do Cisne, a SAR. Desde o seo do club preparan ademais un triangular que enfrontaría a Cisne, Teucro e ao equipo portugués Associaçao Desportiva Sanjoanense, no que esperan contar xa cos internacionais xuvenís e con Jabato.
PLANTEL. Quen aínda terá que esperar para iniciar a súa nova andaina co Cisne é o pivote ucraíno Yevhen Lysak, fichaxe da entidade que está á espera dos últimos trámites burocráticos para incorporarse á actividade grupal.
Con este movemento, sumado á incorporación dun xuvenil no lateral esquerdo, e coas últimas renovacións de Carlos Álvarez e Dani Viruglegio, o club daría por pechada o plantel, á espera tamén do regreso dos Hispanos xuvenís e de Jabato de face ao debut ligueiro o próximo 26 de setembro no que recibirán ao Atlético Novás, previo ao derbi pontevedrés que terá lugar na segunda xornada fronte ao Teucro, e un terceiro compromiso no que recibirá á Vila de Aranda.
Tres xornadas que se antollan clave para coñecer o devir do Cisne na División de Honra Prata nun formato que contará con 18 xornadas a disputar.
O choque, que se disputa ás 20.30 horas, será clave no futuro a curto prazo dos Hispanos Xuvenís. O empate do domingo fronte a Suecia (35:35), no que Pablo Gonzalez completou un gran primeiro cuarto baixo paus, permite aos de Jabato afrontar esta fase con todas as posibilidades de alcanzar as semifinais intactas, pero coa necesidade de sumar os puntos ante Eslovenia se non queren depender doutros resultados.
