Ao Pontevedra 2019-2020 fáltalle algo. O conxunto granate comezou a súa pretemporada o pasado luns, a pesar de que aínda teña algúns asuntos que "limar" no seu persoal. A defensa e a portería son os principais postos que demandan incorporacións custe o que custe, a pesar de que a única opción pasa por
Edu, único porteiro do primeiro equipo, estará acompañado polos gardametas da filial Mihai e Dadín, á espera de que poida chegar algunha incorporación sub23 conforme vai avanzando a pretemporada.
Na zona defensiva só cinco dos nove defensores do persoal forman parte do primeiro equipo. A saída de David Castro provoca que o posto de lateral esquerdo quede ocupado só por dous xogadores: Pablo López e Sergio. O primeiro, un canteirán que regresa logo dun ano cedido en Sanxenxo; mentres que o segundo é un xogador colombiano que está a proba no club.
A defensa e a portería son os principais postos que demandan incorporacións
O mediocampo pontevedrés deberá conseguir que a afección esqueza a Kevin Presa canto antes. N"Diaye chegou para ser o seu substituto natural con todo o que iso significa na Boa Vila. O resto de mediocentros e pivotes defensivos son: Álex Fernández, Berrocal, Jesús Barbeito e Santi Garrido (procedente da filial).
As fichaxes de Adighibe e Álvaro Bustos, sumados á renovación de xogadores habituais en zona ofensiva como Javi Pazos ou Álex González, o que converte ao Pontevedra nun equipo con suficiente fondo de armario e pólvora en ataque. Dous xogadores por posición do primeiro equipo, que estarán acompañados por dianteiros e extremos do filial como Rivera e Iñaki; ou Expósito, que estará de proba co conxunto granate.
O posto con máis xogadores do equipo é a posición de mediapunta, ocupada por Romay e Mouriño do primeiro equipo, e os canteiráns Vázquez e Guisande.