O Cisne chega mellor que nunca. E é que comezou a liga con moi bo pé. O sábado en Copa do Rei intentará romper estatísticas ante o Teucro e gañar por primeira vez un derbi oficial. O técnico do conxunto cisneísta, Jabato, móstrase convencido das súas posibilidades antes do partido, e asegura que, "xa sexa con vento a favor ou en contra, as cousas nos derbis iguálanse".
O Municipal volverá acoller un novo derbi logo de dous anos, como se vai vivir isto?
Esperemos que ben. Hai que aproveitar tamén os momentos no sentido de que é unha oportunidade única para a xente que lle guste o balonmán. é un derbi, que hai tempo que non se daba en partido oï??cial. Vai ser emocionante. Xa sexa con vento a favor ou con vento en contra, as cousas nestes partidos iguálanse.
Intentarán gañar oficialmente por primeira vez ao Teucro?
As estatísticas están para rompelas, non van durar toda a vida. Entón non nolo tomamos como algo que haxa que romper a verdade. é certo que hai que saber a historia dos dous clubs, estamos nun bo momento e bo, creo que si é unha oportunidade para acabar con esa estatística.
Será unha vantaxe para vostedes, chegar en mellor momento?
Non o creo. Vivín diferentes derbis, iguálanse moito independentemente da situación. Non o vexo como unha vantaxe.
Dos seus xogadores, cales lle preocupan especialmente?
Teñen un bo bloque, non son capaz de dicir un ou outro. Miro sobre todo ao meu equipo, teño á experiencia de vivir un derbi. Está claro que teñen un gran equipo que está por construír, todos son de fóra... entón imos aproveitar as nosas cartas.
Como cre que será o partido?
Non teño unha bóla de cristal, é moi complicado marcarse unha idea de como se pode dar ese partido. Non o sei. Nestes partidos coméntense máis erros e a clave estará na tranquilidade.
LUIS MONTES, A POLA VICTORIA
Pola súa banda, o adestrador da SD Teucro afronta o derbi con gran ambición. Co obxectivo de mellorar a súa imaxe, o conxunto azulón buscará unha nova vitoria no Municipal ante o Cisne para así manter a súa hexemonía. Montes está convencido de que o equipo pode dar máis.
Como vai vivir este derbi en Pontevedra logo de dous anos?
Creo que realmente os que van ser máis intensos son os de liga. é verdade que este o vivimos como primeiro derbi en partido oficial, porque para os dous equipos o de Copa Galicia era un partido máis de pretemporada. é un encontro intenso, emocional.
Vai ser a primeira vez que estea como técnico nun derbi no Municipal, como cambiou Luis Montes?
Cambiou moito. A experiencia do ano pasado, que foi moi dura, ademais da responsabilidade, fai que o viva dun xeito distinto. Llo que é un derbi, pero o meu papel é moi distinto. ¿Como cambiei? Pois creo que moito, sobre todo a nivel de experiencia e de responsabilidade. Aí nótase moito.
Manteñen a hexemonía en Pontevedra, cre que vai ser unha presión engadida?
Que eles non gañen dános igual, o que se queremos é gañar nós. A prioridade número un vai ser intentar cambiar a imaxe do sábado. Viñamos dun partido en Málaga e o mancar deste sábado fai que queiramos demostrar que somos mellores.
Cre que lles vai a prexudicar esa derrota?
Eles veñen de facer dous partidazos e nós dun mal día. Parten da vantaxe de ser un equipo conjuntado e nós estamos en construción. Ata dentro dun par de meses non poderemos dar o máximo. Teucro ten moitas ganas de demostrar, estamos moi por encima do que puido parecer o sábado.
Só o conxunto azul tivo que adestrar a principios de semana sen algúns xogadores. Marko Dzokic, José Andrés Torres e Corneil non puideron formar parte do grupo por unha intoxicación alimenticia. Xa o pasado mércores puideron adestrar con toda a normalidade e a falta do último adestramento de hoxe, Luís Montes poderá contar con todo o persoal para o derbi.
Por outra banda, o Cisne Colegio Los Sauces superou os adestramentos semanais sen contratempos. Cabe recordar que Jabato aínda non puido contar co pivote Dani Ramos e con Alejandro Conde, xa que continúan de baixa polas súas respectivas lesións. Espérase que ambos os xogadores se incorporen a ï?? nales de outubro.
