sábado. 18.09.2021 |
El tiempo
sábado. 18.09.2021
El tiempo

O derbi do morbo para empezar

undefined
Rufo trata de chutar ante un xogador do Compostela. DAVID FREIRE
O Pontevedra recibirá no debut ligueiro ao Compostela, equipo desde o que recalaron dúas das fichaxes máis importantes da entidade esta tempada 

O primeiro calendario da historia de Segunda RFEF deparou un duelo con certo morbo no debut para o Pontevedra. E é que o conxunto da Boa Vila xogará o seu primeiro partido na historia da categoría ante o Compostela, un equipo no que pescou durante este verán. David Soto e Brais Abelenda, dúas das fichaxes máis importantes para a nave que dirixirá Ángel Rodríguez, chegan directamente desde San Lázaro, onde tamén adestrou nos últimos anos Yago Iglesias, que foi serio candidato ao banco de Pasarón. Precisamente o estadio a beiras do Lérez acollerá o derbi, previsto para o primeiro fin de semana de setembro (sábado 4 ou domingo 5).

O Compostela será a primeira pedra no camiño das 34 que terá que superar o PCF en pos do ascenso, segundo ditaminou un calendario que foi distribuído ao longo da tarde deste martes pola RFEF. Nas instalacións federativas sorteouse durante a mañá a orde de partidos de Primeira RFEF e anunciouse que nas horas seguintes faríase público (sen acceso ao proceso de sorteo) o almanaque dos cinco grupos da categoría inmediatamente inferior.

Tras o primeiro derbi do curso, o Pontevedra terá que medirse a dous madrileños: o Móstoles Universidad Rey Juan Carlos e o Leganés B. Ante o primeiro dos dous deberá completar a súa primeira saída. O conxunto granate pechará o primeiro mes de competición visitando ao Bergantiños e recibindo ao Arenteiro.

O Arousa xogará contra los granates o 28 de novembro na Lomba

Para máis adiante quedarán os últimos duelos ante equipos galegos. A finais de outubro será o Coruxo quen visite Pasarón (xornada 9). E o 28 de novembro, o estadio da Boa Vila volverá acoller un novo derbi. Neste caso, será o esperadísimo duelo ante o Arousa SC. Unha semana despois, Ángel Rodríguez volverá a Langreo. E tras recibir ao Ceares, o PCF acabará a primeira volta visitando o Estadio Helmántico e recibindo ao Palencia Cristo Atlético.

Deste xeito, o equipo de Pasarón sabe que na penúltima xornada de competición podería vivir un duelo decisivo ante o Salamanca -o outro equipo que apunta a favorito, a día de hoxe- e que pechará a tempada regular en Palencia.

Pola súa banda, o Arousa arrincará a súa andaina en Segunda RFEF cun duelo con sabor a Terceira. E é que o conxunto arlequinado recibirá na primeira xornada ao Arenteiro, outro recentemente ascendido do grupo galego. A Lomba acollerá o duelo co Pontevedra o 17 de abril do 2022 e o Bergantiños será, en casa, o último rival da tempada.

O derbi do morbo para empezar
comentarios
ç