O Dicsa Modular Cisne ficha ao extremo Ángel Iglesias

O extremo dereito Ángel Iglesias converteuse este luns no segundo reforzo invernal do Dicsa Modular Cisne, co que se comprometeu ata o final da presente tempada tras finalizar o seu contrato coa SD Teucro. 

O xogador zurdo, con experiencia na liga Asobal con Frigoríficos do Morrazo, Teucro e Sinfín Cantabria, chega ao Cisne logo de brillar co Teucro na División de Honra Prata, da que se despediu como cuarto máximo realizador pero coa mellor media goleadora da categoría, cunha media de 6,3 tantos por partido. 

É a segunda fichaxe invernal do conxunto dirixido por Javier Fernández Jabato tras o lateral esquerdo portugués, de orixe ucraína, Oleksandr Nekrushet, que chega cedido polo Huesca.