O lateral esquerdo Diego Martínez chegou a un acordo coa SD Teucro para xogar a tempada 2020-21 no equipo dirixido por Irene Vilaboa tras superar o período de proba, informou o club pontevedrés.
"O Teucro é un club histórico de Galicia e España, e chamoume moito o equipo novo que se estaba formando, para poder dispor de minutos e destacar na categoría", comentou tras asinar o seu novo contrato Martínez, quen vén de superar unha grave lesión: "Día a día véxome mellor e con moitas ganas de volver xogar e axudar ao equipo".
Formado nas categorías inferiores do Balonmán OAR, onde xogou ata a tempada 2017-18, o lateral esquerdo incorporouse ao Vila de Aranda de División a campaña seguinte, cando lesionou de gravidade.
