"Se digo que non me vou contento, minto. Pero debemos marcar máis"

O adestrador do Pontevedra, Luisito, estaba "moi contento" pola vitoria conseguida no feudo do Covadonga. "Primeiro porque era unha partido trampa e despois porque a superficie do terreo de xogo dábame un pouco de respecto. Ademais, o Covadonga é un equipo ao que eu admiro. Doulle o parabén ao seu adestrador porque con pouco son capaces de facer moito", expuxo.

O técnico de Teo falou tamén da parte negativa do partido: "Na definición non estivemos novamente nada ben. Na primeira parte fallamos tres goles moi claros e, aínda que eles sempre deixan xogadores descolgados que te poden facer sufrir e dunha mala orientación dun futbolista meu sacaron un tiro ao traveseiro, creo que puidemos gañar por máis. Se digo que non me vou contento minto, pero o resultado puido ser máis amplo". 

Luisito referiuse ao cambio no once de Adrián por Borja: "Se alguén coñece ben a Adrián Cruz ese son eu, que xa o tiven máis veces. Preocupábame o tema das tarxetas e Borja tamén merecía xogar, de feito fixo un moi bo partido e meteu un golazo. íao a meter na segunda parte, pero cando vin que o resultado estaba encarrilado xa non o metín". 

Preocupábame o tema das tarxetas de Adrián Cruz e cando vin o resultado encarrilado decidín non metelo

O preparador do bloque lerezano tamén foi preguntado pola acción da expulsión de Pitu: "Non a vin, non lle pode dicir nada. A pena é para el, porque estaba a entrar e estaba a adestrar e xogando moi ben". Sobre Rufo comentou que "puido meter 4 ou 5". "Para min meteu o máis difícil de todos e á marxe do gol fixo un gran partido. Tanto el como Charles e Álex González. Cambiei un pouco de sistema polo campo e interpretárono moi ben", completou sobre a fronte de ataque.

Luisito quixo ter unhas palabras nun día sinalado como o do domingo cara á súa nai: "Dedícolle a vitoria a todos os afeccionados do Pontevedra, especialmente ás nais. Pero que me perdoen todos porque a quen eu lla dedico é á miña. Ten 92 anos e fixo de pai e de nai". 

Na definición non estivemos novamente nada ben. Na primeira metade fallamos tres goles moi claros e creo que puidemos gañar por máis

COVADONGA. O adestrador do Covadonga, Fermín Álvarez, terminou resignado tras unha derrota que confirma matematicamente a perda da categoría do conxunto ovetense: "Tiñámolo asumido desde facía varias semanas e o único que nos queda xa é gozar destas xornadas que quedan antes de que acabe o"ano . 

O conxunto azul plantou cara gran parte do choque, polo menos no que ao marcador refírese: "Demos bastante ben a cara ao partido ata o segundo gol e iamos meter xente de refresco, pero encaixamos outra vez e a partir de aí é certo que puxémosllo moi fácil. é difícil xestionar a concentración a estas alturas de tempada e co equipo xa descendido" dicía Álvarez. Ademais, naturalizó a expulsión de Pitu e Álvaro García: "a liña estaba moi preto así que se decidiu expulsar a ambos sería que iso era o adecuado" concluíu.

Para min Rufo meteu o gol máis difícil de todos. Tanto el como Charles e Álex González interpretaron moi ben o cambio de sistema