O Pontevedra, en busca do cinco de cinco

Como cambiaron as cousas en Pasarón en tan só unhas semanas. Fai tan só catro xornadas o Pontevedra caía derrotado co Xetafe B no seu campo por 2-3, sumando a súa terceira derrota consecutiva que provocou a destitución de Luismi. Mentres os granates buscaban técnico, Jesús Ramos fíxose cargo do equipo nun complicado duelo en Vigo fronte ao Celta B, no que os seus pupilos conseguían reporse ao tanto inicial dos celestes para darlle a volta ao partido no último suspiro e volver á senda da vitoria.

Esta vitoria non foi unha mera casualidade, xa que a semana seguinte e de novo con Ramos sentado no banco, gañaron con contundencia e claridade ao Melilla en casa por 3-1. Estas dúas vitorias non serviron ao técnico para continuar no banco e o experimentado Carlos Pouso tomou as rendas do equipo esa semana.

A tempada pasada enlazou catro vitorias na primeira volta, pero caeu derrotado na súa visita a un rival directo

O vasco cumpriu con fartura nos seus dúas primeiras probas, primeiro gañando a Las Rozas fóra de casa por 1-3 e logo vencendo con claridade ao Marino de Luanco en pasaron por un claro 3-0.

Esta situación recorda á vivida a tempada pasada na primeira volta. O equipo adestrado por aquel entón por Luismi, chegou á xornada 13 undécimo a seis puntos do ascenso, logo de estar tres partidos sen gañar como nesta ocasión. A partir de aí encandeou unha xeira calcada á de agora, na que enlazou catro vitorias seguidas.

Dáse a curiosidade de que o Pontevedra viña de caer cun equipo madrileño, naquela ocasión foi o San Sebastián de los Reyes, e de que foi contra un equipo vigués onde empezaría a reverter a situación. A primeira pedra daquela xeira foi o Coruxo ao que venceu pola mínima en Pasarón.

A situación actual recorda ao curso pasado, na que os granates enlazaron tres picadas antes dos seus catro triunfos

As dúbidas disipáronse nas seguintes xornadas, nas que venceu con autoridade ao Rápido de Bouzas por 1-3, e logo en Pasarón á Unión Adarve por 3-1. A guinda do pastel produciuse de novo como local cunha vitoria fronte ás Palmas Atlético por 1-0.

A proba de lume chegou fóra de casa. Do mesmo xeito que agora os granates tiñan que visitar a un dos equipos máis en forma daquel momento, víanse as caras o Pontevedra (5º), contra o Atlético de Madrid B (6), con ambos os conxuntos a tiro dos playoff. Os colchoneiros abriron o marcador pronto no minuto 22 cun gol de Mollejo, que este ano milita no Dépor. No segundo tempo Toni Moya setenció o choque e puxo fin á xeira granate.

Na segunda volta da tempada 18/19 o Pontevedra enlazou cinco triunfos seguidos, pero o quinto partido foi en casa

Agora a situación repítese, a Pena Deportiva (4º) e o Pontevedra (7º) enfróntanse separados por só tres puntos na clasificación nun choque inédito na categoría.

Cabe destacar que na segunda volta da tempada pasada os granates tamén viviron unha situación na que chegaron catro vitorias seguidas e conseguiron a quinta, pero a diferenza con esta situación é que disputaron o quinto choque en Pasarón.

¿Quedarán os granates ás portas do quinto triunfo como na primeira volta ou lograrán repetir a fazaña da segunda volta? O domingo ás 12.00 teremos a resposta.