domingo. 05.07.2020 |
El tiempo
domingo. 05.07.2020
El tiempo

Ence, unha das chaves para Asobal

Gayoso elévase nun encontro desta tempada. GONZALO GARCÍA
Gayoso elévase nun encontro desta tempada. GONZALO GARCÍA
Se a pasteira mantén as súas axudas, o Cisne completaría boa parte do orzamento â?? Asobal non se reúne ata o 20 e o club traballará sen ter en conta reducións

O Cisne rezuma "certo optimismo" de face a pechar ingresos que lle permitan garantir a súa presenza na liga Asobal o próximo curso. Nos últimos días, o traballo de xestión intensificouse nas oficinas cisneístas co fin de captar apoios a nivel económico que lle permitan alcanzar un orzamento próximo aos 400.000 euros para vivir tranquilo na máxima categoría a tempada que vén.

Desde que a Real Federación Española de Balonmán confirmou o ascenso do club pontevedrés, a entidade estivo traballado na captación de apoios a nivel monetario. Neste sentido, o club xa ten practicamente atado un incremento de entre o 25 e o 40% do investimento por parte dos seus patrocinadores privados principais (Os Salgueiros, Pomasa, Pescamar e un anónimo). Ademais, lanzou o anzol a outras 19 empresas importantes galegas e espera que algunha pique e aposte por relacionarse co equipo pontevedrés aproveitando o tirón da Asobal e a súa imaxe de equipo novo, que aposta pola canteira e que conta cun persoal totalmente galego. Calquera axuda neste sentido permitiría ao Cisne transitar sen problemas pola categoría o próximo curso.

Máis aló destas xestións, o Cisne está pendente de Ence. Porque unha confirmación de que a empresa pasteira porá en marcha o seu habitual Plan Social podería canalizar definitivamente o camiño cara á estabilidade económica necesaria para afrontar o salto á máxima categoría do balonmán nacional. Neste sentido, un ingreso de 60.000 euros, como o que tiveron nos últimos anos o Pontevedra, o Teucro e o Peixegalego, suporía que a presenza do Cisne en Asobal estivese garantida nun "70% ou 80%", como apuntan fontes relacionadas coa entidade.

Doutra banda, no ámbito público, o club pontevedrés continúa en contacto coas distintas administracións para estudar que cantidade relacionada co ámbito das subvencións poderá recibir. Neste sentido, as expectativas son tamén optimistas, a pesar da previsible crise por causa da Covid-19.

Publicidade. Os valos dinámicos, posible investimento
Durante a xornada deste luns, directivos do Cisne Colexio Os Salgueiros mantiveron unha reunión máis co Concello de Pontevedra para valorar colaboracións de todo tipo de face á próxima tempada. Máis aló de falar sobre posibles patrocinios a través de Turismo Pontevedra, tamén se valorou a opción de que o Concello adquira uns valos LED de publicidade dinámica, que se colacarían nos partidos de todos os equipos que xoguen no Pavillón Municipal (ademais do Cisne, o Teucro e o Leis) e atraian aos anunciates.

No sentido da publicidade, o Cisne xa sabe que non poderá vender o círculo central, pero si contar con oito ou nove patrocinadores nos valos durante os partidos televisados.


INCERTEZA. En relación cos ingresos necesarios de face á tempada 19-20, o Cisne Colexio Os Salgueiros segue traballando coas estimacións máis pesimistas, xa que non recibiu noticias relacionadas coas esixencias de Asobal e o formato de competición da próxima tempada.

Para coñecer máis certezas, dúas datas son claves: os sábados 13 e 20 de xuño. Na primeira destas reunións espérase que a Federación Española propoña o formato de competición. Dependendo de se hai división por grupos ou non, a tempada podería ser un mes máis curta, o que equivalería nun descenso duns 30.000 euros do orzamento total (cada mes lle costa ao Cisne esa cantidade).

Doutra banda, o día 20 está previsto que se reúna a Asociación de Clubs Españois de Balonmán (Asobal). Da reunión poderían saír os novos requisitos de ingreso na liga, vinculados a unha diminución do número de contratos profesionais (actualmente 12) ou do canon esixido por participar na competición (uns 60.000 euros). Con todo, o Cisne non poderá esperar a esas datas e, por se acasim traballa tendo en conta que non haberá rebaixas.

Ence, unha das chaves para Asobal
comentarios