O Grupo Deportivo Supermercados Froiz cumpriu con fartura a súa estrea en terras francesas no que disputou o Circuíto das Árdenas con profesionais.
O bo rendemento dos corredores da escuadra alimenticia que se deixaron ver no pelotón profesional en Francia estando moi presentes e como se di no argot ciclista: "dando guerra" fixo que a organización os invitase para a edición do próximo ano así como a máis carreiras con profesionais en Francia.
Cun bo sabor de boca o Grupo Deportivo Supermercados Froiz terminou a súa participación no Circuíto das Árdenas cunha xornada na que houbo dobres sectores.
A primeira etapa que se disputou pola mañá foi unha curta pero dura que rompeu no porto de montaña e que fixo que o pelotón entrase na meta en pequenos grupos. Nun deles entrou Iván Martínez a 47 segundos e Martín Lestido a un minuto do vencedor Maciej Paterski do Wibatech Merx.
Pola tarde a etapa era máis chaira pero o terreo francés cun continuo percorrido rompepernas marcou diferenzas entre corredores. A pesar diso entrou un grupo cabeceiro de 77 unidades que entraron en liña de meta no mesmo tempo que o vencedor e entre os que estaban Iván Martínez e Martín Lestido que entraron na metade deste grupo. O gañador da etapa foi de novo Kaden Groves do Seg Racing Academy.
A xeral final levouna Alexander Kampdel Riwal Cycling Team e a xeral por equipos o Lotto Soudal.
O Froiz tamén se deixou ver na segunda xornada na que se disputou a etapa reina. Iván Martínez logrou a 31ª posición a 40 segundos do vencedor Kamp Alexander do Rival Cycling Team pero entrando no grupo perseguidor de leste. Martín Lestido ía con Iván pero unha caída privouno de poder entrar en meta xunto ao seu compañeiro.
Foi unha xornada marcada polas caídas para o Super Froiz. Guillermo García no quilómetro 20 ía na cabeza tirando do pelotón pero unha caída en baixada a máis de 50 quilómetros por hora deixouno fóra de carreira xa que varios ciclistas caéronlle encima e sufría dor no ombreiro e mareos. Aitor Bugarín tamén se viu implicado na caída e tívose que retirar xunto a Guillermo. Iván Martínez conseguiu un bo resultado dentro do pelotón profesional e Lestido tamén a pesar da caída.
