O Frigoríficos do Morrazo anunciou este martes a fichaxe do extremo dereito Martí Villoria, quen chega ao Gatañal para suplir a baixa do lesionado Carlos Vilanova tras desvincularse do Martí Adrianenc, da División Honra Prata.
📣 FICHAXE‼️
— Balonmán Cangas (@balonmancangas) April 13, 2021
Chega ó noso equipo Martí Villoria procedente do Martí Adrianenc de División de Honra Prata. Toda a información en https://t.co/QmXJvv1JCf.#deportegalego #XuntaDeGalicia #DeputacionDePontevedra #SomosAbanca pic.twitter.com/5qTRHWoUak
O xogador catalán, de 23 anos, conta con experiencia na liga Asobal tras o seu paso polo BM Alcobendas, co que xogou seis partidos e marcou cinco goles na tempada 2018-19 antes de sufrir unha grave lesión de xeonllo.
O Frigoríficos do Morrazo caeu á zona de descenso este fin de semana tras perder na pista do Cantabria Sinfin. O vindeiro domingo visitará ao Porto Sagunto, outro dos equipos inmersos na zona de descenso, nun partido no que podería ter os seus primeiros minutos a súa nova fichaxe.