A Frigoríficos ficha ao 'hispano' júnior Santi López

O internacional júnior Santi López converteuse este luns na terceira fichaxe do Frigoríficos do Morrazo, co que se comprometeu para as dúas próximas tempadas tras desvincularse do Helvetia Alcobendas. 

"É un xogador de penetración, que pode xogar tanto no centro como en calquera dos laterais. E é forte, un bo defensor que nos axudará no posto de dous. é diferente ao que temos no persoal", declarou a Efe o director deportivo, Óscar Fernández. 

López é a terceira incorporación do conxunto dirixido por Nacho Moyano para a tempada 2020-21 tras o extremo esquerdo Dani Fernández (Barça) e o pivote Alberto Martín (Alcobendas).