O Grupo Deportivo Supermercados Froiz logrou a clasificación por equipos da Volta a Galicia, que terminou este domingo cunha última etapa que tivo a liña de meta no alto de San Roque de Viveiro.
A última proba foi gañada polo portugués do Maia Patrick Videira, que formou parte da escapada do día na que estivo o ciclista da formación alimenticia, Adrián Barros –a fuga chegou a gozar dunha vantaxe de 2'30"–.
O conxunto pontevedrés intentou darlle a volta ao xeral individual, pero o equipo Lizarte –futuro conxunto continental profesional– mostrouse intratable.
O gañador da clasificación final foi Martí Márquez, do citado Lizarte, e o mellor do Froiz foi Martín Lestido, oitavo a 43”.
