A Copa de España de Ciclocrós pasou este domingo por Pontevedra para disputar a quinta e penúltima proba do certame. A Illa das Esculturas foi, do mesmo xeito que o pasado ano, o escenario que acolleu os mellores deportistas nacionais que tiveron que facer fronte ás dificultades do tramo por mor das choivas.
As condicións metorológicas non foron un impedimento para a marinense Irene Trabazo, que se converteu na primeira en completar o circuíto da categoría Sub23 feminina, cun tempo 45 minutos e 22 segundos, seguida de Paula Suárez e Carla Fernández.
Doutra banda, grazas a completar sete voltas nun tempo de 1 hora 2 minutos e 26 segundos, o favorito do día, Ismael Esteban non só se converteu no primeiro clasificado da proba pontevedresa, senón que se converteu matematicamente en campión da edición 2019 da Copa de España.
O ciclista cántabro chegou a Pontevedra con todo a favor para pechar a clasificación ao seu favor debido, especialmente á ausencia de Kevin Suárez.
Desde os primeiros compases, Ismael e o local e campión de España Sub23, Iván Feijoo, destacaron como os dous homes máis fortes. Ambos rodaron xuntos na cabeza ata que o cántabro incrementou o ritmo e distanciouse en solitario.
Deste xeito, Feijoo concluía as súas voltas (1:03:10) como subcampión da proba e como primeiro da súa categoría. Andrew Juliano, que pelexou cos dous líderes ata o final, conformouse cun máis que digno terceiro posto (1:04:16), moi seguido de Xabier Murias (1:04:38).
A Illa das Estruturas tamén ofrecía a posibilidade de que Aida Nuño sentenciase a clasificación xeral da Copa de España se lograba a vitoria e Lucía González terminaba de quinta posición para abaixo. Pero o gran rendemento de ambas as participantes non fixo outra cousa que protagonizar un gran duelo de titáns feminino.
A competición elite feminina foi un completo man a man desde o inicio entre Aida e Lucía. Ningunha das dúas puido atopar o momento perfecto para distanciarse da outra, ata que González conseguiu porse por diante no tramo final.
Ao facerse co triunfo por enriba da líder, Lucía chegará á proba de Valencia con 11 puntos de renda. Paula Díaz foi a encargada de completar o podio das mulleres.
A vitoria junior do certame levouna María Parajón, que concluíu nunha gran sexta posición absoluta na carreira. Ainara Albert, que cumpría unha das súas primeiras citas na categoría, conseguía a segunda praza e o oitava xeneral, mentres que Lydia Pinto completaba o podio, segunda na clasificación xeral.
Doutra banda, dentro de mozos junior, o mozo Igor Arrieta conseguiu imporse con contundencia e sen complicacións a Miguel Rodríguez e Eliote Ponchon, segundo e terceiro, respectivamente.
Nas categorías restantes, os primeiros en completar as súas respectivas voltas foron: Pau Martí en cadete masculino, Estela Domínguez en cadete feminino, Isabel Borrero e Alejandro