Jabato: "Liberámonos, quitámonos a presión"

Reflectía o rostro de Jabato a liberación e alegría de volver sumar, unha vitoria que vén dada, a palabras do técnico branco, debido a que "nos liberamos, quitámonos esa presión". Sen deixar de lado que segundo Jabato o Cisne está na zona baixa "por méritos propios", a actitude do equipo este sábado levouno á senda do triunfo.

"Saíron enchufados, fixemos un partido moi serio, a pesar de que cometemos imperfeccións por esa ansiedade de querer facer as cousas ben, pero como a pouco fomos facendo distancia, xogando con vantaxe que para nós era algo impensable na categoría e estou satisfeito por iso", afirmou o manchego tras o duelo.

As caras de alegría dino todo, polo mal que o pasamos. A partir de aquí a seguir traballando e gozando

Jabato non ocultou que sumar era unha necesidade e mostrouse orgullos de ver aos seus xogadores felices tras a bucina final. "As caras de alegría ao final dino todo, polo mal que o pasamos e a partir de aí a seguir traballando, a seguir pelexando , gozando e loitar as mínimas opcións aos máximos para, ao final de tempada, poder dicir que gozamos", explicou o preparador branco.

O técnico non deixou de repetir que os éxitos chegan debido á suma de todos e que este sábado a vitoria chegou ao bo traballo en todos os labores. "Atrás melloramos e iso dános para estar máis metidos, Valadao axudou moito", afirmou Jabato que engadiu que nos custou moito incorporar ás novas fichaxes e puideron axudar e foron claves nas rotacións, se podemos sumar todos, o equipo vai multiplicar".