Luis Montes: "Unha serie de erros puntuais lastrounos"

A pesar de estar  "amolado, porque cando se perde non se pode estar contento", Luis Montes, técnico do Teucro, quixo recalcar a entrega dos seus homes ante o Quabit Guadalaxara: "Temos a conciencia tranquila porque pelexamos, aínda que nos gustaría competir máis o partido".

O preparador pontevedrés admitiu que "na primeira parte, a pesar de estar cinco abaixo, o equipo estaba a facer as cousas ben. Estaban a ser erros puntuais". "A pesar de que estabamos advertidos da conexión de Víctor Vigo co pivote, estiveron a nos facer bastante dano con esa situación. Conseguimos reengancharnos e, cando estabamos dentro, unha serie de erros puntuais lastrounos", asegurou o preparador teucrista.