Luismi: "Díxenlles que se tiñamos que morrer, que o fariamos de pé"

Luismi mostrouse contento co empate, pero quixo engadir que quedou cun lixeiro mal sabor de boca por non ver ao seu equipo gañar o partido. "Ao final quédaste con ese sabor de que faltou nada para a remontada, pero temos que quedarnos contentos", afirmou o técnico granate.

Luismi quixo engadir que "tal e como nos fomos ao descanso, o partido estaba moi complicado, moi difícil. Sacamos carácter e fomos capaces de mostrar esa agresividade que necesitabamos tanto co balón como sen el", apuntou.

Sobre o que pasou no vestiario no descanso, Luismi explicou cal foi a súa mensaxe: "Se tiñamos que morrer, que o fariamos de pé. Había que traballar e esforzarse porque non quedaba outra. Ao final era un resultado moi adverso e para intentar igualalo había que meterlle ritmo e intensidade e iso é o que lles comentei".

Na primeira parte faltounos a intensidade para que o Fabril, cada vez que tiña o balón, non xogase tan cómodo

"Quíxenlles dar moita confianza, tal e como iamos perdendo 0-2 tamén podiamos meter dous goles nós. Quedaban 45 minutos por diante e díxenlles que confiasen, que había opcións. Que cresen e confiasen", afirmou o técnico do Pontevedra.

No descanso quíxenlles dar confianza, tal e como iamos perdendo 0-2, tamén podiamos meter dous goles nosostros

Sobre os erros que cometeu o equipo na primeira parte, o técnico destacou a falta de intensidade do persoal. "Quizais na primeira parte faltounos a intensidade para que o Fabril, cada vez que tiña o balón, non xogase tan cómodo, que non houbese tanto espazo entre a última liña defensiva nosa e o medio do campo. Estaba o equipo un pouco desequilibrado e iso propiciou que o Fabril estivese moi cómodo e que tivese o acerto para poñerse por diante no marcador", afirmou Luismi en rolda de prensa.

O técnico quixo expresar que os seus pensamentos durante os primeiros compases do encontro só eran "isto hai que levantalo. Ao final do partido xa se vería, pero o primeiro que tiña que demostrarlles que se podía remontar era eu. E con esa intención fun para o vestiario".

Esperabamos que o Fabril fixese un gran partido porque ten bos futbolistas , ao final, a clasificación non é real en relación ao persoal que teñen

Sobre o momento do gol do empate e da situación do partido nese momento, o técnico quixo comentar que "nese momento vía que o conxunto ía para arriba, que era capaz de gañar todas as segundas accións, que eramos un equipo que estaba máis preto da portería contraria que da nosa e nese aspecto confiaba en que se podía levantar, só faltaba estar acertados".

Respondendo o adestrador do Fabril sobre a case perfecta primeira parte do equipo coruñés destacou que "nós esperabamos que o Fabril fixese un gran partido porque teñen bos futbolistas e ao final a clasificación non é real en relación ao persoal que ten. Nese aspecto se sentían cómodos e xogaban pois xogarían ben. Ao final teñen calidade e moito talento para mostralo e nun campo grande, con boas dimensións e un estado do céspede máis ou menos decentes demostraron que son un equipo que ten que estar máis arriba", concluíu Luismi.