Deporte Local Pontevedra
2-0. Comezo co pé dereito
Luismi non considera que o triunfo do Pontevedra ante o Coruxo sinxelo. "A segunda parte non foi tan cómoda. Produciuse o que queriamos. Buscabamos pornos por diante no marcador e saír intensos e agresivos, para non deixar xogar ao Coruxo, xa que se se empezan a asociar, fanche sufrir, como ocorreu na segunda parte".
O preparador granate asegurou que "estabamos mentalizados do que debiamos facer e conseguimos levar o partido ao noso terreo: para roubar e saír rápidos á contra".
Iso si, non dubidou en recoñecer que o segundo acto non foi tan positivo como o primeiro. "eles deron un paso á fronte e tocou sufrir e defender. Ocasións non nos xeraron, pero tiveron máis posesión. Nós acusamos o cansazo polo elevado ritmo da primeira parte. O peor foi que non fomos capaces de asociarnos e dar varios pases seguidos cando recuperabamos".
é importante empezar ben, gañar en casa. E a partir de aí, traballo e humildade
O preparador granate botou de menos sacar réditos dalgunha acción ao contraataque no segundo tempo. "Sabiamos que eles tiñan que dar un paso á fronte e tiñan que ir a por o empate. Cedemos terreo, xuntámonos e buscamos saír á contra, pero non estivemos precisos para facelo ben e seguir facéndolles dano".
Luismi quere ir aos poucos. é pronto para pensar no ascenso. "Son palabras maiores. Hai que ir con calma. é importante empezar ben, gañar en casa, en Pasarón, e seguir coa dinámica da tempada pasada, na que nos fixemos fortes en casa. E a partir de aí, traballo e humildade. Como pensemos máis aló, estamos amolados".
"A clave do encontro estivo aí: fomos quen de ter o balón, seguramente máis có Pontevedra, pero os alimentabamos: non acababamos xogadas, perdiamos o balón e o Pontevedra contraatacaba. Cando tes a pelota para iso é mellor non tea. Rematamos moi poucas xogadas. A chave do partido estivo aí", insistiu ao respecto da falta de pegada e profundidade do seu conxunto.
O preparador do cadro vigués entende que o primeiro gol, aos sete minutos, non debe servir de escusa para explicar a derrota da súa escuadra. "O gol foi moi cedo e sempre condiciona, pero o partido estaba onde tiñamos pensado, máis ou menos. O mal primeiro tempo en xeral, condicionou o resultado final".
Na segunda parte, o once que dirixe mellorou as súas prestacións e foi algo máis ambicioso, pero sen un resultado favorable para os seus intereses. "Melloramos. Fomos quen de ter o esférico nun escenario complicado. Pero isto cóntase por ocasións. Tivemos unha boa oportunidade de Jacobo Trigo no primeiro tempo e na segunda metade moitos achegamentos e poucas finalizacións", laiouse.
Con todo, o preparador do once visitante quixo pór en valor a personalidade da súa escuadra en Pasarón como o máis positivo de onte. "Viuse que o equipo soubo levar a iniciativa en Pasarón e que ten capacidade de elaborar xogadas. Pero iso acabou converténdose nun problema".
