O Marín Futsal volveu imporse a un rival directo este sábado na Raña para concatenar o seu Jimétercer triunfo seguido e certificar virtualmente a permanencia. O equipo do Morrazo xa sabe, aínda a nove xornadas para o final da competición regular, que o próximo curso repetirá en Primeira División. E todo grazas a unha fiabilidade maiúscula que foi capaz de replicar en cada un dos duelos decisivos da campaña.
Non perdeu ningún encontro ante inimigos do ‘seu mesma liga' o conxunto dirixido por Raúl Jiménez, que onte pasou pola pedra a Sala Zaragoza aplicando a súa xa recoñecida fórmula: fiabilidade atrás, pegada arriba e boas transicións ofensivas para matar o partido. E é que o cadro marinense ten moi clara a súa idea e ante Sala Zaragoza non titubeó no inicio.
Saltou á pista da Raña co pé dereito e aos seis minutos deu un primeiro golpe que marcou o partido. Non necesitou correr: Ceci atopou unha solución onde só había pernas rivais e saíu dunha situación comprometida para deixar a Café diante de Etayo. A colombiana fixo un gran control orientado para driblar á meta e definir a porta baleira.
