O Waterpolo Galaico Pontevedra volveu facer historia no waterpolo galego conseguindo meter na final do Campionato Galego cadete aos seus dous equipos, A e B, levándose o título o equipo A. A competición disputouse na piscina do CGTD que reuniu a oito equipos chegados.
Na xornada matutina disputáronse os cuartos de final, na que o equipo A de o club pontevedrés, composto por cadetes de primeiro ano e infantís, abriu o campionato contra o RCN Vigo B, formado por infantís. O Waterpolo Galaico Pontevedra levou a vitoria impóndose por 25-2.
Doutra banda, o equipo B da cidade do Lérez (cadetes de segundo ano e alevíns) enfrontouse ao Mariña Ferrol, ao que venceu por 5-12. Pola tarde reservouse para as semifinais, na que o CW Galaico Pontevedra A gañou sen complicacións ao CN Coruña, por 22-5, mentres que o CW Galaico Pontevedra B disputou un partido rifado contra o RCN Vigo A, ao que tamén conseguiu derrotar por un 4-7, meténdose na gran final.
Deste xeito, por primeira vez dous conxuntos dun mesmo club conseguían meterse na mesma final, asegurando o título para o Galaico Pontevedra.
A pesar de ser un derbi entre compañeiros, o partido xogouse con moita intensidade e, finalmente, o equipo A proclamouse campión cun resultado de 12-5.
O Galaico proclámase campión galego cadete
O conxunto pontevedrés de waterpolo volve facer historia ao conseguir meter na final aos seus dous equipos
Deporte Local Pontevedra
La pontevedresa Antía Chamosa, bronce por equipos en el mundial de marcha
21/abr./24
