Deporte Local Pontevedra
Ángel Rodríguez Nebreda, nuevo entrenador del Pontevedra CF
O Pontevedra CF xa ten case pechada o persoal para o próximo curso e é que, tras o anuncio de que Ángel Rodríguez será o dono do banco granate, o directo deportivo Toni Otero asegurou este luns en rolda de prensa que a día de hoxe ten a intención de reforzar tres posicións: lateral esquerdo, mediocentro e mediapunta.
Para iso o club granate conta actualmente con seis fichas libres "tres delas son sénior e outras tres sub 23", sendo o seu desexo principal que estas últimas sexan "ocupadas por xente da casa que ten que demostrar o seu valor en pretemporada. Oxalá sexan eles quen as cubran" pero tamén pediu "calma" xa que hai considera que hai que "acertar" cos reforzos que se fagan.
Para o lateral esquerdo o vigués asegura que xa ten a alguén en mente "e mentres teña opcións por ese xogador vou seguir mantendo esa vía aberta" e é que tal e como asegurou o director deportivo granate trátase dun "xogador cotizado, con experiencia e galóns" ao que intentarán convencer xa que están a esperar por el, pero que tamén recibiu "moitísimas propostas doutros xogadores". A idea de Otero é que o novo técnico vexa "a Pablo López, que vexa como é e se realmente ten oco ou non" e aí decidir se se busca a outro lateral ou se aposta polo canteirán para cercar esa posición.
Ademais desa posición en palabras do vigués só quedaría por buscar un mediocentro e unha media punta, dadas por pechadas "a portería, o lateral dereito, a liña de centrais e a dianteira" con 16 xogadores no persoal. Un primeiro equipo do que terá ficha o defensa Javi Pacheco que "xa non é sub 23", mentres que no caso de Iñaki Martínez o club falou con el e a súa ficha dependerá "de como se atope ou como salga a pretemporada", un período de proba para definir que lugar ocupará no equipo.
O canteirán Javi Pacheco contará cunha ficha do primeiro equipo, mentres que Iñaki dependerá da pretemporada
O mercado, ao que Otero definiu como "moi difícil" determinará que outros xogadores poden chegar a un conxunto granate que non quere "atarse as mans" pensando nun número determinado de xogadores que quere ter xa que "podería dicir agora que quero 22 xogadores e despois son 20, pero a única realidade agora mesmo é que quedan seis fichas por cubrir: se aparecen e o mercado dános para todas, ben; se ten que quedar algunha, pois queda".
Nos próximos días o director deportivo, xunto ao novo adestrador, pecharán a lista de xogadores "do filial e o xuvenil que fará a pretemporada co primeiro equipo", que adiantou que serán bastantes.
DE CASA. Sobre posibles saídas de xogadores que continúan con contrato, como o caso de strong <>Oier Calvillo, Toni Otero asegurou que "todos os xogadores que están é porque queremos que estean así que en principio non sairá ninguén máis".
O Pontevedra comeza a pechar xa o seu persoal e corpo técnico, o cal encabezará Ángel
"Estiven en diferentes sitios e con diferentes presións, clubs como As Palmas ou o Barça, pero me sorprende a presión que se xera sobre este club desde fóra", declarou Toni Otero que asegurou que "aquí ninguén está contento, se tardamos moito porque tardamos moito; se tardamos pouco porque tardamos pouco; se é galego porque o é e se non pois porque non, sempre hai un problema e iso sorpréndeme".
Na súa reflexión sobre as presións que sufriu no seu primeiro mes á fronte da parcela deportiva do club, destacou que "aquí cada un é director deportivo e cada un é adestrador deste club" e fixo un chamamento de unidade a todas as partes para levantar ao club.
"Preocúpame facer un bo equipo, que o club creza, que se estruture e deixar o meu granito de area no tempo que estea aquí", continuou destacando Otero que entende que "o director deportivo é o que ten que guiar ao club na parcela deportiva, pero me gustaría a unidade desde todos os estamentos, que esteamos todos a un tempo e ao final de tempada critíquese ou se fale".
Otero recordou que "logo de estar cinco anos neste club, de ser capitán e pasar os momentos máis complicados deste club" avoga pola unidade "dos que estamos dentro do club e polos de fóra" para que a entidade creza.
Un mes e unha gran dose de presión para un director deportivo que "independentemente das présas que poida ter a xente" dixo que "as cousas ían ir con calma e creo que a liña se está seguindo".
