O tríatlon volve a casa, volve a Pontevedra para a que será a súa primeira proba de relevancia a nivel nacional logo dos meses de confinamento.
A presentación do evento, que tivo lugar este, martes, asistiron o alcalde, Miguel Anxo Fernández Lores; o director técnico da Federación Española de Tríatlon (FETRI), Jorge García; o concelleiro de Deportes, Tino Fernández; o representante da Federación Galega de Tríatlon, Enrique Hernández, e dous triatletas da máis alta categoría, Saleta Castro e Antonio Serrat.
En canto ás medidas de seguridade, o tríatlon foi pioneiro en presentar un protocolo de volta á normalidade, preventivo e seguro. Desde a FETRI aseguran que para este fin de semana as medidas serán únicas, "ata agora algo que non se fixo en España". "Trátase de analizar os riscos e tomar decisións, que se basean en reducir a participación a números moderados e distribuílos en tres xornadas", explicou Jorge García.
Estas sesións serán as do sábado pola mañá e pola tarde e finalmente, a xornada matinal do domingo, todo ao redor dun circuíto pechado, totalmente acoutado que irá desde a ponte dos tirantes cara a Monte Porreiro.
A primeira xornada, a matinal do sábado, queda reservada para os cadetes e o paratriatlón. á tarde será a quenda dos grupos de idade con límite de participación en algo menos de 300 deportistas. Na última quenda, e nas horas máis intempestivas, será a quenda das carreiras de elite, para evitar a afluencia de público. Os junior pecharán a competición nesa mesma xornada ao mediodía.
Aínda que este ano o tríatlon non contará co apoio dos espectadores, xa que desde a federación aseguran que pode ser un risco e por iso tomaron medidas. "A presenza de público á que estamos afeitos en Pontevedra minimízase con dúas accións, reinvestindo os horarios e retransmitindo por streaming", aclarou Jorge García.
As zonas que noutras edicións quedaban reservadas ao público estarán restrinxidas cun valado perimetral, ao que só poderá acceder o persoal acreditado.
No protocolo contémplase tamén a entrega de premios, que será nesta ocasión máis atípica do normal: realizarase conforme acaben as carreiras e a título individual, xa que non haberá entrega de trofeos por clubs.
O alcalde quixo destacar a alta participación que caracteriza este ano ao Campionato, a pesar da ausencia de dous grandes como Gómez Noya ou Mario Mola. O deporte non está a ter oportunidade de competir e a Boa Vila converteuse nunha das últimas oportunidades desta tempada.
Saleta: "Decidín que non vou participar este domingo"
 |
| Saleta Castro. CERVERA-MERCADILLO |
Saleta Castro, triatleta da cidade de Pontevedra anunciou na presentación do Campionato de España de Tríatlon Spint que, finalmente, non participará na competición porque aínda non se recuperou ao cento por cento dunha lesión.
"Bo a verdade é que aínda estou recuperándome, ata onte non sabía íase a participar ou non porque non podo correr, xo corro un día á semana. Nadando e en bicicleta estou ben, estou forte, pero decidín que non vou participar este domingo moi ao meu pesar", confirmou Saleta.
A triatleta formaba parte da lista de participantes que publicou a Federación de forma provisional a pasada semana, polo que o seu comunicado foi toda unha sorpresa, pero Saleta ten claro que o primeiro é a saúde e de igual modo acudirá para apoiar aos seus compañeiros.
"Creo que teño que recuperarme, estarei apoiando a todo o mundo que participa pero primeiro é a saúde e teño que recuperarme", aclara.
Con todo Saleta quixo agradecer o esforzo do Concello de Pontevedra e a Federación Española por sacar adiante esta primeira proba de tan alto nivel nunha situación tan especial. "Síntome moi orgullosa de ser pontevedresa xa que dende hai moitísimos anos que o Concello se volca co deporte e, especialmente, co tríatlon", explicou.
