Pontevedra deu o mellor pistoletazo de saída ao ITU Multisport Pontevedra 2019 cun acto repleto de autoridades, cun ambiente no que se respiraba solidariedade, alegría, ilusión e deporte, moito deporte.
A Praza de España acolleu a cerimonia inaugural na que miles de persoas congregáronse para recibir aos deportistas que van participar na maior festa do tríatlon. O presidente da Federación Española, Javier Hidalgo; a presidenta da Federación Internacional de Tríatlon, Mari Sol Casado; o vicepresidente da Xunta, Alfonso Rueda e o alcalde de Pontevedra, Miguel Anxo Fernández Lores, transmitiron a súa alegría e emoción de cara a esta cita mundial que comeza este sábado e que se estenderá durante nove días.
A cerimonia contou coa actuación dos grupos folclóricos Redegaitas e Os de Algures e cun espectáculo aéreo a cargo de Pablo Pérez Performance.
Este sábado celebraranse, desde as 8.00 horas, as probas correspondentes á modalidade de Dúatlon.