Non puido o Pontevedra regresar á senda do triunfo e perdeu na súa visita ao Novo Matapiñonera nun partido no que só foi inferior ao seu rival na eficacia ante a portería. Aos de Luismi tan só lles faltou ter maior precisión nos metros finais para poder rescatar un punto ante un adversario que empatara os seus dous encontros anteriores como anfitrión.
A dupla ofensiva do Sanse, Perales e Castel, demostrou o seu idilio co gol e castigou ao conxunto pontevedrés en momentos illados nos que estaba a ser superior. A reacción final valeu para ameazar o triunfo local, aínda que non para impedilo a pesar dos méritos.
Tras unha boa acción do Pontevedra pola esquerda ben resolta por Morais, o Sanse dispuxo da primeira ocasión de entidade. Valverde penetrou pola banda dereita e puxo un servizo medido que Castel cabeceou picado. Edu, atento, atallou a pelota sen problemas. A resposta foi inmediata. Javi Pazos estrelou o balón no traveseiro, aínda que o colexiado anulou a acción por fóra de xogo.
<< Consegue a crónica completa na edición impresa de Diario de Pontevedra deste luns>>
1- Pontevedra CF: Edu, Campillo, Víctor Vázquez, Adrián León, Nacho López, Berrocal, Kevin Presa, Mouriño, min. 74, Álex González, Pibe, min. 74, Romay, Javi López min. 66, Pedro Vázquez, Javi Pazos
Goles: 1-0 Perales (min. 37). 2-0 Castel (min. 65). 2-1 Javi Pazos (min. 78).
Árbitro: Gallego Gambín (comité murciano). Amoestou a Zazo, Satoca e Carlitos, do Sanse e a Berrocal, Víctor Vázquez, Adrián León e Romay polo Pontevedra.
Incidencias: Novo Matapiñonera. 800 espectadores, entre eles un pequeno grupo de seguidores do Pontevedra residentes na zona centro de España.