O Poio Pescamar FC xa ten novo adestrador para as súas filas e será Raúl Jiménez, que decide deixar atrás a súa apaixonada faceta como técnico do Leis Pontevedra.
O técnico de orixe cordobesa reside en Pontevedra desde hai anos, onde chegou para xogar coas Rías Baixas de División de honra por 3 tempadas. Tras o seu paso polo Lérez, debutou tamén co Ceuta de segunda, pero máis pronto que tarde volvía a Pontevedra co Leis, primeiro como xogadores e pouco despois como técnico, logrando o ansiado ascenso a primeira.
Como adestrador só traballou co Leis Pontevedra, dirixindo ao equipo masculino de segunda B e ao feminino de segunda.
Raúl aos seus 42 anos é licenciado en educación física e nivel 2 de fútbol sala. A pesar de non ter máis que un club de experiencia como adestrador, neste demostrou todo o que era capaz de facer polo equipo.
Coa súa chegada os rojillos din adeus a Dani Díaz, que decidía apartar a súa faceta de técnico e centrarse nos seus estudos. O extécnico do Lugo Salga cumpría no seu momento todos os criterios que esixía a directiva e presentábase como o candidato ideal polo seu posto de segundo no equipo de Gonzalo Iglesias no curso 2014-2015.
Os de Poio pasaron un mal momento na procura do novo técnico, e a decisión non foi nada fácil, pero a directiva do club valorou todas as opcións e a pesar da procedencia de Raúl foron conscientes do seu palmarés. O exjugador ten experiencia en equipos locais como xogador e como técnico, polo tanto, é unha das mellores opcións para os rojillos, que depositan toda a súa confianza para afrontar unha tempada con moitas caras novas.
Como segundo ao mando acompañaralle o madrileño Carlos Santamaría que dirixiu ao Móstoles fs feminino de primeira división esta pasada tempada.
O Pescamar prepárase agora para unha nova tempada que esperan estea repleta de éxitos.
