Os clubs galegos que a pasada tempada pelexaron en Terceira División e na extinta Segunda B e non lograron clasificarse para a Copa do Rei xa coñecen o seu calendario para a fase autonómica de Cópaa RFEF.
Entre eles atópase o Pontevedra CF, que dará o pistoletazo de saída á competición o próximo 8 de agosto ás 20:00h. Ese mesmo día disputaranse todos os partidos correspondentes a primeira eliminatoria da Copa RFEF 2021/2022.
Ao conxunto do recentemente incorporado Ángel Rodríguez tocaralle verse as caras co Alondras CF. Ao non pertencer ambos os equipos á mesma división, a eliminatoria disputarase no Morrazo, de acordo coa normativa da Federación Galega de Fútbol (RFGF) de xogar nas instalacións do club de categoría inferior na última campaña ligueira.
Este será o primeiro encontro en clave de competición que terán que disputar os granates. O sistema de partido único obriga aos da Boa Vila a facer unha boa estrea se queren manter as opcións de estar presentes na fase nacional do campionato.
CAMBIO DE RUMBO. O anuncio do rival non é o que máis preocupou a Toni Otero. O director deportivo asegurou na rolda de prensa do luns que xa hai "algún partido de pretemporada pechado", o cal podería coincidir en data coas distintas eliminatorias da Copa RFEF.
O primeiro cambio de plans que terá que facer Otero é o do amigable pactado co Racing de Ferrol para o mesmo día no que o conxunto da Boa Vila ten agora o seu primeiro encontro de competición da tempada.
No caso de que tanto o Pontevedra como as Alondras acorden adiantar o partido, os granates poderían manter o seu compromiso cos ferroláns intacto. Con todo, non é habitual que isto ocorra.
En canto á pretemporada, o director deportivo asegurou que a idea se mantén en empezala o próximo día 26, pero o problema son os protocolos", matizou, "iso varíanos un pouco os plans". Ante a posibilidade de adiantar o comezo dos adestramentos, Toni Otero non descarta esta opción aínda que mantén as súas ideas fixas en facer "seis semanas de pretemporada e encaixar aí os partidos".
Co plantel practicamente pechado a falta de tres fichaxes e Ángel Rodríguez ao mando, o Pontevedra CF dará comezo en menos dun mes á nova tempada. A estrea na Copa RFEF marcará o ritmo granate.
O Arousa recibe ao Rápido de Bouzas e o Choco ao Coruxo
O resto dos equipos que disputarán esta fase autonómica da Copa RFEF tamén están a pór en orde a súa pretemporada de face ao partido do 8 de agosto.
No grupo sur, o recentemente ascendido Arousa terá que verse as caras co Rápido de Bouzas na Lomba. Tamén xogará en casa o CD Choco, que recibirá a visita do Coruxo CF. Pola súa banda, o Ourense CF e o CD Barco daranse cita no Couto.
O CD Estradense non se enfrontará a ningún dos equipos da área pontevedresa a menos que chegue á final desta fase autonómica da Copa RFEF.
O club da Estrada pertence ao grupo norte, no cal serán tres os encontros que se disputen na primeira fase para así poder reducir o número total de equipos a oito. Desta maneira, a SD Compostela líbrase da primeira xornada copeira ao ser o mellor clasificado da última tempada.
Pola súa banda, os de Alberto Mariano terán que gañar na súa casa ao CSD Arzúa se queren alcanzar os cuartos. O que salga vitorioso do encontro xa sabe que terá que enfrontarse a unha SD Compostela difícil de bater a campaña pasada.
Os outros dous encontros que completan esta primeira fase autonómica no grupo norte son o Racing Club Villalbés fronte a o Viveiro CF e o UD Somozas - Silva SD.
O comezo da competición será o pistoletazo de saída para que os clubs galegos collan forma de care á nova tempada ligueira.
Segundo o calendario da Federación Galega, os cuartos de final xogaranse o 15 de agosto e as semifinais unha semana máis tarde, o domingo 22. A final de Copa RFEF terá lugar o 29 de agosto, a escasas semanas do comezo de liga, e en sede neutral.
