viernes. 23.10.2020 |
El tiempo
viernes. 23.10.2020
El tiempo

Rubiales deixa a decisión final ao CSD

Jesús Ramos nun adestramento do curso pasado. GONZALO GARCÍA
Jesús Ramos nun adestramento do curso pasado. GONZALO GARCÍA
A Federación Española esíxelle un Plan Transversal con garantías sanitarias

A Federación Española de Fútbol (RFEF) terminou este luns cos continuos rumores xerados nos últimos días que falaban da idea do organismo nacional de atrasar o comezo das competicións non oficiais a xaneiro do 2021. Tras a reunión que o presidente, Luís Rubiales, mantivo con altos cargos das distintas delegacións territoriais, o balón atópase agora no tellado do Consello Superior de Deportes. E é que a RFEF esixe un Plan Transversal avalado polos "poderes públicos" que ofreza as "garantías sanitarias e xurídicas para os xogadores e resto de actores, os responsables dos clubs e os organizadores".

O organismo que preside Luís Rubiales destacou nun comunicado que é "completamente falso" que propoña atrasar o inicio a xaneiro e que se trata dunha campaña con continuas "falsidades orquestradas co obxecto de desacreditar e desinformar". Isto foi apoiado pola Federación Galega de Fútbol, desde onde aseguran que "as informacións non eran financiadas pola Federación, xa que en ningún momento dixo de empezar nin en xaneiro, nin en marzo, nin nada".

O organismo nacional segue coa idea de comezar a tempada no outono

Tras a reunión do luns, parece que serán o CSD e as autoridades sanitarias quen terán que traballar nun protocolo que permita dar comezo á tempada 2020/2021 nas datas previstas, algo que preocupa aos equipos, como o Pontevedra Club de Fútbol, que atrasaron o inicio da pretemporada debido á incerteza existente ao redor do comezo da liga e das restricións marcadas en canto á celebración dos adestramentos.

DESIGUALDADE. Un dos principais asuntos que a Federación Española lle esixa ao CSD é que estableza un protocolo común para todas as comunidades, xa que existen importantes diferenzas que afectan os equipos.

Desde a Federación Galega apoian esta petición: "Hai que mandar unha mensaxe para que se estableza un protocolo unificado en todas as comunidades, xa que o Pontevedra (por exemplo) agora mesmo non pode xogar amigables nin adestrar con contacto físico e noutros sitios si que se pode".

Futgal considera que un dos maiores problemas é a diferenza entre comunidades

Estas diferenzas débense a que cada comunidade ten un protocolo propio e que "no caso de Galicia fixemos un, da man da Secretaría Xeral, que foi modificado e agora é máis restritivo". "O protocolo que aprobamos vai supeditado ao que diga a Xunta e agora o que nos dixo é que non permite o contacto físico polo que agora mesmo non podemos xogar ao fútbol", afirman fontes do organismo autonómico.

Tanto a Federación Española como as territoriais consideran que a orde ten que "vir de arriba", xa que non pode ser que se poida xogar en Galicia e en Andalucía non, ou viceversa". "Nalgunhas categorías, hai equipos de diferentes territorios que se cruzan", completan desde Futgal.

O balón atópase agora no tellado do Goberno, ao que se lle pide que elabore un protocolo sanitario para tratar de comezar a tempada a principios do mes de outubro, tal e como estaba previsto, algo que desexa a Federación xa que "hai moita xente que vive disto". Mentres, os equipos atópanse agardando, parados e á espera de noticias.

 

FÚTBOL SALA. "Estamos igual que o venres ou peor. Pásanse a pelota"
Juanjo García, presidente do Poio Pescamar e afectado as dúbidas achega do inicio das competicións, destacou que a Federación Española "pásalle a pelota" á Xunta e esta, polo momento, mantense na postura que presentou o pasado mes de xuño: adestramentos individuais e sen contacto.

Deste xeito, o máximo dirixente do Poio asegurou non ter clara a data da volta aos adestramentos. Polo momento mantéñense á espera do próximo comunicado da Federación Galega ou da Española. "Estamos igual que o venres ou peor", asegurou.

Doutra banda, o presidente recoñeceu que para que o fútbol sala sexa considerado profesional "deben cambiar moitas cousas".

Rubiales deixa a decisión final ao CSD
comentarios