Todas as viaxes son un estímulo para os sentidos, pero se o motor que os impulsa é a solidariedade son tamén un revulsivo para a alma e a conciencia. Sábeo Roberto López, coñecido como Bobby Vergutini, un empresario e hostaleiro de Sanxenxo, Combarro e Pontevedra que o
Non era a primeira vez que Vergutini daba renda solta aos seus anhelos altruístas. Brasil ou Perú, onde apadriñou a un neno da Illa de Taquile e sufragoulle dúas importantes operacións cirúrxicas, foron as súas primeiras experiencias. Pero o Rally Solidario por Marrocos, organizado por em <>Say Yes Team!, unha axencia de eventos ‘únicos e aventuras' con doce anos de traxectoria, en colaboración coa ONG Terra de Homes, superou todas as súas expectativas.
"Enchín o coche ata arriba con cousas que fun recompilando entre os meus amigos"
"Comentoumo unha amiga que o fixo, púxenme en contacto con esta axencia e decidimos ir tres mozos de Vigo e eu en dous coches. No noso caso os todoterreos levámolos nós, pero hai a opción de alugalos en Tánxer. O ideal é ir cun todoterreo medianamente preparado porque se vas noutro tipo de vehículo queda esnaquizado. A nós esixíannos levar radio e rodas de tacos para non quedarche enterrado na area do deserto e todos iamos guiados por un track (unha ruta de coordenadas xeográficas) que nos daba a organización", explica Vergutini. "Eu enchín o coche ata arriba con roupa, calzado, xoguetes, libros, material escolar, cepillos de dentes, elementos de botiquín... Fun solicitando cousas entre o meu grupo de amigos e familiares. A miña nai (Cuca Vergutini, de quen herdou o seu espírito solidario) fíxome case 50 bufandas. Se o chego a pór nas redes sociais non me chega un camión", conta o empresario, que, en total , percorreu 4.500 quilómetros, mil deles para chegar a Tarifa, de onde partía a expedición.
Xunto co pontevedrés e empuxados pola mesma ilusión, emprenderon esta aventura solidaria ao redor de 40 persoas procedentes de distintos puntos de España: Palma de Mallorca, Tenerife, Valencia, Madrid, Barcelona... Repartidos en 15 coches, todos identificados cun número e o logotipo de em <>Say Yes e cun mecánico, un guía e unha ambulancia formando parte da caravana, durante doce días descubriron paisaxes impresionantes, coñeceron diferentes culturas e viviron unha experiencia única na que, ademais da solidariedade, tamén destacou o compañeirismo e o traballo en equipo para liquidar as dificultades do camiño. "Durmimos en haimas, vimos a Gran Duna de Merzouga, Erg Chegaga, o Lago Iriki, Asilah... Estivemos en pobos de nómades bereberes, nos que parecía que non había ninguén e de súpeto saían os nenos de debaixo das pedras. Os bereberes son moi agradecidos, amables e respectuosos", subliña Vergutini, en cuxas veas tamén corre sangue árabe. "Os meus antepasados eran bereberes, da familia Ali Saben Medina. Por iso -apunta-, aos meus locais sempre lle puxen un nome relacionado con Marrocos (Morocco, A Medina...)".
"Ver a cara de felicidade dos nenos cuano dábaslles un agasallo non ten prezo"
Aínda que a beleza das paisaxes, o ceo do deserto, no que as estrelas parecen estar "máis cerca", e experiencias como "navegar" polas dunas deixáronlle unha pegada indeleble, o pontevedrés queda co "sorriso dos nenos". "Verlles a cara de felicidade cando lles dabas un agasallo non ten prezo. Pitabas co coche e viñan correndo. A súa mirada, triste e escura, volvíase brillante cando lles dabas os agasallos e facía que che pasase algo polo corpo. Deberíao facer todo o mundo unha vez na vida. Foi moi gratificante", recalca Vergutini. "Algunhas cousas non sabían que eran. As ceras comíanllas pensando que eran gominolas e os cepillos de dentes enterrábanos no chan. Ao final deixámolos nun colexio e ensinámoslles aos profesores como tiñan que cepillarse", recorda con emoción.
Say Yes, a promotora desta aventura solidaria que se realiza catro veces ao ano (Nadal, Semana Santa, setembro e o denominado Rally Solidario Extremo da ponte da Constitución) xa quenta motores para o próximo rally, que se celebrará en abril. Por motivos laborais, Vergutini, que na actualidade dedícase ao aluguer de barcos, non poderá participar, pero se algo ten claro é que volverá porse ao volante do seu todoterreo para axudar onde máis o necesitan e repartir ilusión aínda que non sexa Nadal.
