Deporte Local Pontevedra
O Cisne detecta un positivo no seu persoal
Competición suspendeu o partido que debía enfrontar este sábado ao Villa de Aranda co Cisne logo da detección dun segundo positivo no conxunto pontevedrés. O líder en solitario da División de Honra Prata de balonmán informou da aparición dun segundo contaxiado por covid-19 no seu persoal no test de antígenos aos que se someteron os xogadores nas últimas horas.
O xogador atópase illado no seu domicilio e controlado polas autoridades sanitarias do Goberno galego, mentres que o resto do persoal continuará traballando ás ordes de Jabato para preparar a volta á competición.
O Cisne debía retomar este sábado a competición ligueira visitando ao Villa de Aranda, outro dos equipos que a pasada tempada descendeu da liga Asobal, pero agora o encontro deberá situarse nunha nova data.
