Teresa Portela espera alargar a súa carreira "algo máis" para disputar os seus sextos Xogos

A piragüista pontevedresa Teresa Portela, gañadora de 15 medallas mundialistas e 17 europeas, lamentou o adiamento dos Xogos Olímpicos de Tokio 2020 pero confía en alargar a súa carreira deportiva para disputar a súa sexta cita olímpica.

"Este ano para min sentíao realmente especial. Loitaba por estar nos meus sextos Xogos Olímpicos. Toca esperar a decisión de cando se realizarán. Se conseguín estar 20 anos na elite, espero poder aguantar algo máis", escribiu a padeeira galega máis laureada nas súas redes sociais.

ᴀᴘʟᴀᴢᴀᴍɪᴇɴᴛᴏ ᴅᴇ ʟᴏꜱ JJOO ᴅᴇ ᴛᴏᴋʏᴏ 2020🇯🇵. Este año para mí lo sentía realmente especial.Luchaba por estar en mis 6️⃣ JJOO. Toca esperar la decisión de cuándo se https://t.co/f7KQmfqYT1 he conseguido estar 2️⃣0️⃣ años en la élite...espero poder aguantar algo más😉 pic.twitter.com/GCwGazLLLH

— 𝙏𝙚𝙧𝙞 𝙋𝙤𝙧𝙩𝙚𝙡𝙖 (@teriportela) March 24, 2020

Disputou os últimos cinco Xogos Olímpicos -Sydney, Atenas, Pequín, Londres e Río de Janeiro-, en Tokio converteríase na española con máis presenzas olímpicas, por diante das cinco da extenista Arantxa Sánchez Vicario e a exnadadora María Peláez, nos de verán, e de María José Renda, nos invernais.