A SD Teucro logrou unha vitoria traballada e pelexada en casa fronte a un Eivissa que chegaba na terceira posición da táboa e cunha serie positiva ás súas costas. O conxunto de Irene Vilaboa foi capaz de transformar as súas ocasións en gol e deixar o resto en defensa. Un sobresaliente Federico Wermbter na segunda metade evitou que o partido tivese un final diferente.
Saíron os dous equipos á pista con serios problemas de face a gol xa que o primeiro tanto chegou aos dous minutos obra de strong <>Pablo Castro para pór ao Eivissa por diante. Un gol que soubo contrarrestar Samu Pereiro que puxo as táboas no luminoso (1-1, minuto 2).
A partir de aí o encontro foi un golpe tras outro, se o Teucro facía gol, o Eivissa contestáballe con outro, o que levou a unha igualdade máxima durante a primeira metade do primeiro tempo (8-8, minuto 14). Nos últimos minutos dos primeiros 30, dous tantos case consecutivos permitiron ao Teucro coller algo de vantaxe (16-14, minuto 27), pero o Eivissa logrou o empate. Unhas táboas que rompeu Marko co 17-16 co que se chegou ao descanso no Municipal.
O paso por vestiarios sentou ben a un Fede Wermbter que non tivera a súa mellor actuación na primeira metade, pero que iniciou o segundo con tres paradas consecutivas que permitiu que, tras un tanto de Samu e outro de Ángel Igrexas, o bloque de Irene Vilaboa puxésese tres arriba (19- 16, minuto 32).
A boa defensa do Teucro permitiu, por momentos, que o Eivissa non se achegase puxese por diante no luminoso, a pesar de que por momentos estivo cerde logralo xa que sempre estivo moi preto, á espera do erro teucrista. No minuto 51 Eugenio Tilve pediu tempo morto que permitiu aos seus espertar cando ían tres abaixo (25-22). Dous tantos de Iriarte e Vicente reduciron a vantaxe a só un tanto (26-25, minuto 54).
Nos compases finais o suspense estivo á orde do día, pero a exclusión de Celorrio, unido a dúas novas paradas de Fede e os tantos de Marko e Ángel
Árbitros: Gutiérrez Sobrino e Monjo Ortega. Excluíron a Roi e Miguel Sío, por parte do Teucro e a Castro, Sala, Iriarte, Celorrio e Marc Torres (2), do Eivissa. Amoestaron a Caue, Castro e Eugenio Tilve.
Incidencias: Encontro correspondente á novena xornada de División de Honra Prata, disputado no Pavillón Municipal ante 50 espectadores, o máximo permitido pola crise sanitaria.