O tirador pontevedrés Juan Saavedra roza a medalla en Tokio

O pontevedrés Juan Saavedra debutou na madrugada do martes ao mércores nos Xogos Paralímpicos de Tokio 2020 cun cuarto posto no R3 Mixto na distancia de dez metros con rifle de aire comprimido en posición tendida. Quedou a tan só 0,2 puntos das medallas, na que non é a súa modalidade fetiche. 

O tirador, que se atopa na capital nipoa disputando os que son os seus quintos Xogos Paralímpicos, clasificouse para a pelexa polas medallas na semifinal que se celebrou ás 2.30 horas da madrugada, pero non puido completar o seu camiño cara ao podio e tívose que conformar cun diploma con forte sabor a bronce. 

Tras a súa primeira toma de contacto ao pontevedrés aínda queda unha nova oportunidade, na que é a súa modalidade fetiche e na que en Londres logrou a única medalla paraolímpica que ten no seu palmarés ata a data: unha prata que quere converter en ouro este ano. O domingo regresará á competición para participar no R6 na distancia de 50 metros con rifle de aire comprimido en posición tendida, unha modalidade favorable para el e que ademais se disputa ao aire libre.
Le a información completa na edición impresa deste xoves de Diario de Pontevedra