A nadadora do Club Natación Galaico Antía García Silva logrou o récord galego absoluto na proba de 50 metros bolboreta do Campionato de España de Inverno, celebrado en Castellón, cunha nova mellor marca persoal.
Antía realizou un tempo de 27.93, unha centésima por baixo do anterior rexistro galego, que xa estaba tamén no seu poder. A pesar desta magnífica marca e un traballo espectacular na piscina, non puido achegarse aos postos que dan dereito ás medallas, o que dá bo exemplo do espectacular nivel da proba. Ocupou en posto décimo quinto.
A nadadora do Galaico, que estivo acompañada polo director técnico do Club, Diego Pérez, tamén competiu na proba de 50 libres.
Nese caso, do mesmo xeito, cun excelente traballo, logrou a súa mellor marca persoal, cun tempo de 26.13, que a levou ao posto undécimo do campionato.
O club emitiu un comunicado no que quixo felicitar á súa nadadora. "Desde o CN Galaico felicitamos a Antía García Silva polo
Neste Campionato tamén estaba prevista a participación do nadador do Galaico Diego Sánchez, que finalmente non puido desprazarse por motivos relacionados cos seus estudos.
Pola súa banda, a pontevedresa da Santa Olaya Beatriz Gómez Cortés logrou a quinta praza na última proba individual que disputou, os 200 metros estilos, cita gañada por África Zamorana.
Gómez Cortés tamén participou na substitución de 4x100 estilos co seu conxunto, a Santa Olaya, que asinou un noveno. A lerezana levou tres metais da súa participación en Castelló.