Non puido ser. O título non quedou en casa xa que o Club Waterpolo Pontevedra finalizou en terceiro lugar no Campionato de España Xuvenil de Segunda Categoría, tras non ser capaz de imporse ao Colexio Brains nas semifinais que disputaron o pasado domingo pola mañá.
Finalmente o vencedor, e que polo tanto adquire o pase directo ao Campionato de España de Primeira Categoría, foi o Waterpolo Xerez que venceu nunha final igualada ao verdugo do club pontevedrés.
O Club Waterpolo Pontevedra conseguira pasar á rolda de semifinais como primeira de grupo, invicta e demostrando un gran nivel. Con todo a xornada deste domingo non comezou como lle gustou. Os pontevedreses saltaron á piscina da Escola Naval Militar coa final entre cella e cella, pero un último mal parcial espertoulles do soño.
O Club Waterpolo Pontevedra enfrontábase na final de consolación ao Club Waterpolo Elx, ao que xa lle venceu na fase de grupos
Viviuse un encontro igualado, ningún dos dous quería ceder oportunidades ao outro equipo e ambos loitaban con garra e paixón, cada balón. O primeiro parcial finalizou cun 2-1 a favor dos locais grazas a dous goles de Andión. Con todo un 1-1 no segundo deixaba o partido moi aberto aínda.
O Colexio Brains non se deu por vencido e conseguiu levar o terceiro parcial por 1-2. A igualdade era total (4-4) e quedaban oito minutos nos que todo podía pasar. O último parcial foi un intercambio constante de goles, ata que os madrileños deron un golpe de efecto sobre a mesa, fixeron dous goles e levaron o parcial e o partido.
Na outra semifinal o Waterpolo Jerez apenas tivo problemas para imporse ao Club Waterpolo Elx, que pouco puido facer ante a dureza dos andaluces que en dous parciais deixaron o encontro case sentenciado para meterse na gran final do Campionato Nacional e loitar polo título.
O Club Waterpolo Pontevedra enfrontábase na final de consolación ao Club Waterpolo Elx, ao que xa lle venceu na fase de grupos. O terceiro caixón do podio estaba en xogo e non ía ser fácil conseguilo.
O encontro comezou con moita igualdade cun empate a un no primeiro parcial e un 3-4 no segundo a favor dos anfitrións. Con todo os valencianos comezaron a vir abaixo e o CW Pontevedra aproveitouno para imporse 1-2 e 1-3 nos dous últimos parciais.
Cunha vitoria final por 6-10, o conxunto local conseguiu un máis que merecido terceiro posto e finalizou este Campionato de España cunha actuación de sobresaliente, na que todos deron o mellor de si mesmos e estiveron a nada de alzarse campións.
O Real Club Náutico de Vigo finalizou o Nacional en sexta posición tras perder ante o As Palmas na loita polo quinto posto da clasificación final.
