Abanca logrou un beneficio atribuído de 137 millóns no primeiro trimestre do ano, o que supón un 8,2% máis que no mesmo período do ano anterior, informan fontes da entidade. Desta forma, o banco con sede en Galicia alcanza os 100.000 millóns de negocio, un 20% máis, tras a integración contable de Bankoa e a compra da rede española de Novo Banco.
Nestes tres primeiros meses do ano 2021 a entidade financeira incrementa os ingresos por marxe financeira e prestación de servizos bancarios un 10,7%, ata os 231 millóns de euros. Ademais, o cociente de morosidade de Abanca sitúase no 2% e a cobertura de activos dubidoso no 83,4%, o custo do risco mantense no 0,26% e o cociente de capital é do 17,4%.
Desde o inicio da pandemia, hai pouco máis dun ano, Abanca formalizou máis de 3.200 millóns de euros en créditos Ico e aplicou medidas de flexibilización financeira para familias por importe de 1.200 millóns de euros.