martes. 19.10.2021 |
El tiempo
martes. 19.10.2021
El tiempo

Así é "o top ten" das empresas que máis empregan e máis facturan

undefined
Unha muller saíndo onte dun supermercado Froiz. BEATRIZ Óscar
O Informe Ardán 2021 sitúa a Distribucións Froiz e a Construtora San José como as sociedades de Pontevedra e O Salnés que xeran máis facturación e emprego 

A patronal pontevedresa lida con mellor ou peor sorte o impacto dunha pandemia que se resiste a desaparecer e é probable que unha gran parte acusen a factura das restricións anticovid. Pero ¿que ocorría antes da eclosión da covid? ¿Cales eran as que presentaban mellores números na área de Pontevedra e O Salnés?

O informe Ardán Galicia 2021, elaborado como cada ano polo Consorcio Zona Franca de Vigo, axuda a desvelar o ranking, que oscila (bastante) segundo onde se sitúe o obxectivo.

Se o que se examina é a facturación, a que encabeza a clasificación é a construtora San José, cunha cifra de negocio que excedeu os 695 millóns de euros en 2019 (695.122.000 euros para ser máis exactos). O seu capital social supera os tres millóns e a súa rendibilidade pasa o 8%, aínda que é un número un con matices. A sociedade naceu no 1962 en Pontevedra, onde mantén a súa sede social, pero hai anos que trasladou o seu centro de operacións á capital, polo que gran parte da súa organigrama e loxística están lonxe da cidade do Lérez.

Entre as obras que ten en execución destaca o primeiro tramo da circunvalación de Pontevedra, valorado en 59 millóns de euros, ás que suman outras grandes infraestruturas que executa tanto no territorio nacional como internacional. San José logrou situarse como un dos grandes referentes na área da construción, con proxectos de gran escala que van desde a ampliación do Museo Nacional do Prado (Madrid) á construción do Museo Louvre Abu Dhabi en Saayidat (Emiratos Árabes).

Distribucións Froiz é a segunda con mellores cifras de facturación, aínda que neste caso a sede social (Poio) si coincide coa central de operacións. Ademais, non sería desatinado que na próxima edición do informe Ardán a firma acabase situándose no alto do podio, tendo en conta o incremento de vendas na alimentación suscitado pola pandemia e o crecemento constante da compañía, que non parou de abrir novos puntos de venda no país e en Portugal.

A industria alimentaria é unha das áreas que concentra máis facturación e emprego nos concellos da contorna 

De feito, o informe de Zona Franca recolle que en 2019 facturou 693 millóns (contando os que aínda ingresa baixo a firma de Victoriano Moldes), pero segundo avanza a propia compañía na súa páxina web, en 2020 chegou aos 756 millóns (sen IVE), case un 9% máis respecto ao exercicio anterior. Actualmente dispón de 253 puntos de venda e sitúase entre as 20 primeiras empresas do sector a nivel nacional.

No terceiro posto figura Bolton Food, a multinacional italiana que en 2015 adquiriu a antiga Conservas Isabel de Galicia e que, a día de hoxe, mantén a sede social de O Grove. A principal liña de negocio é a fabricación de conservas de peixe, coa que alcanzou en 2019 os 201 millóns de euros.

Neste punto o ranking debería continuar con Ence Enerxía e Celulosas, cuxa facturación supera os 190 millóns de euros. Con todo, o informe omite as sociedades cuxa sede está fóra de Galicia, polo que considera que a terceira empresa que máis factura en Pontevedra e O Salnés é Gonvarri, unha compañía especializada na transformación do aceiro e aluminio que comezou a funcionar no Porto de Marín no ano 2005. A empresa empezou fabricando pezas para Citröen e, segundo as cifras auditadas, o seu volume de negocio superou hai dous anos os 138 millóns. O grupo ao que pertence (que leva o seu mesmo nome) foi fundado en 1958 en Burgos e hoxe dispón de 45 fábricas e 20 centros de distribución e oficinas repartidas en 19 países.

O cuarto posto é para Atlantic Oil Star, unha operadora petrolífera de Vilagarcía que con só cinco empregados logrou mobilizar en 2019 máis de 115 millóns de euros grazas ao comercio por xunto de combustibles. O seu capital social apenas ascende a 7.500 euros e en cambio o seu índice de rendibilidade é moito máis alto que o de empresas con máis colchón, chegando ao 17,20%. A sociedade empezou a rodar en 2015 e actualmente defínese como o maior operador de produtos petrolíferos de Galicia. 

En quinto lugar aparece Aludec, a fábrica de compoñentes para automóbiles que hai sete anos iniciou o trasladou das súas naves de produción de Vigo ao polígono industrial da Reigosa, en Ponte Caldelas. O informe Ardán recolle que en 2019 superou a barreira dos 104 millóns de euros, cun índice de rendibilidade económica do 25,59%.

A clasificación continúa con Cabomar Conxelados, unha empresa de Marín dedicada ao procesado de peixes e marisco que superou os 94 millóns; Arnoia Distribucións de Libros, unha firma asentada no polígono industrial de Ponte Caldelas que alcanzou os 93,7 millóns coa comercialización de libros por xunto, e Frioantartic, unha empresa do Porto de Marín que facturou 90,4 millóns mediante a venda almacenista de peixes e mariscos. O "top ten" de facturación finaliza con Pérez Torres Marítima, outra firma que opera na Autoridade Portuaria de Marín e que alcanzou os 72,1 millóns coas súas diferentes actuacións de loxística marítima.

Emprego. A nivel de emprego, os tres primeiros postos son para Distribucións Froiz (4.925 traballadores), Construtora San José (2.025) e Bolton Food (523), aínda que do mesmo xeito que sucedía a nivel facturación, os números non se cinguen á área de Pontevedra, senón que inclúen as persoais contratados a nivel nacional.

O cuarto posto (que omite os 450 empregados de Ence) é para Idades, unha empresa local que se dedica á prestación de servizos de atención sociosanitaria e que, segundo o informe Ardán, en 2019 tiña contratadas a 364 persoas. A sociedade opera en toda a comunidade galega e, entre outras accións, é adxudicataria do servizo de axuda no fogar nalgúns concellos. A súa facturación superou os 7,4 millóns en 2019.

A quinta que xera máis postos de traballo é Cravo Food Factory, unha empresa de Caldas de Reis que conta con 313 empregados e que leva máis de 30 anos fornecendo produtos alimentarios aos profesionais da hostalería. A sociedade, que tamén conta cunha fábrica en Castela e León, distribúe máis de 1.000 referencias distintas que chega a 42.000 restaurantes de todo o mundo. O ranking (que omite o emprego público) segue con Pérez Torres Marítima (298 traballadores);

Cefrico, unha empresa de Vilagarcía centrada no procesado de cefalópodos (267 empregados); Bambú Producións (Poio, 248 traballadores) e Talleres e Carrocerías Castro (Vilagarcía, 220 asalariados).

O ranking local: Avícola de Galicia lidera o pódium 
Exceptuando a Construtora de San José e Ence, Avícola de Galicia é a empresa do municipio pontevedrés que alcanzou maior facturación en 2019: 63,5 millóns segundo o último informe Ardán publicado por Zona Franca.

A firma, con 110 empregados, está especializada na venda de produtos avícolas e opera en Campañó desde o ano 1964.

O ranking local continúa con Comercial Martínez Sánchez (máis coñecida como Cash Galicia), que hai dous anos alcanzou os 51,7 millóns; e con Digamel, marca especializada na venda almacenista de equipos electrónicos e cuxa cifra de negocio superou os 47 millóns.

Así é "o top ten" das empresas que máis empregan e máis facturan
comentarios
ç