O Congreso reclamou este mércores ao Goberno, co voto a favor de todos os grupos salvo o PP, que optou pola abstención, que tome medidas para que os gandeiros cobren polo leite "un prezo xusto e digno". Trátase dunha proposición non de lei impulsada polo PSOE que se abriu ás emendas de distintos grupos ante "o incumprimento e as decisións erróneas" do Executivo e a "competencia desleal" que afecta os produtores españois.
O texto que saíu adiante reclama ao gabinete que dirixe en funcións Mariano Rajoy, entre outras medidas, que haxa sancións" en caso de incumprimento e "inspeccións" sobre as importacións e nas superficies comerciais. Na súa intervención, a portavoz socialista do ramo, a lucense Margarita Pérez Herráiz, xustificou a petición en "as graves dificultades" que atravesa o sector lácteo "en Asturias, Castela e León e, sobre todo, en Galicia".
Pola súa banda, o deputado ourensán do PP Miguel Ángel Viso xustificou a súa abstención en que non se pode propor establecer un sistema de fixación de prezos" porque o prohibe a normativa comunitaria, pero asegurou que o seu partido está "comprometido ao máximo" co sector.
O Congreso reclama, coa abstención do PP, que os gandeiros cobren polo leite "un prezo xusto"
A portavoz socialista do ramo, a lucense Margarita Pérez Herráiz, xustificou a petición en "as graves dificultades" que atravesa o sector