O gasto en prestacións por maternidade foi de 1.824 millóns en 2011, un 0,2 % máis que en 2010, mentres que o de paternidade ascendeu a 225,2 millóns, o 0,1 % menos, segundo datos do Ministerio de Emprego e Seguridade Social.
Durante 2011, a Seguridade Social tramitou 324.405 procesos de maternidade, un descenso do 2,45 % respecto ao ano anterior, e 269.715 de paternidade, un 2,15 % inferior.
Dentro das prestacións por maternidade, a maior parte (318.607) corresponderon a permisos gozados pola nai e 5.798 aos do pai.
O maior número de procesos por maternidade en 2011 correspondeu a Andalucía, con 57.659, seguida de Cataluña, con 57.344, Madrid, con 53.788 e a Comunidade Valenciana, 32.532.
En canto paternidade, Cataluña rexistrou o maior número de procesos, con 51.174, seguida de Madrid, con 44.702, Andalucía; con 42.051; a Comunidade Valenciana, 26.889 e o País Vasco, 15.741.
Segundo Emprego, a contía do subsidio é a mesma para a nai ou para o pai, é dicir, o 100 % da base reguladora da prestación por incapacidade temporal por continxencias comúns, que adoita coincidir co salario.
Respecto ao tempo de permiso, no caso da nai son dezaseis semanas, das que seis son de obrigado cumprimento por ela e os dez restantes pode compartilas ou cedelas ao pai.
No caso do pai, o permiso é de quince días.
