O servizo á hostalería no momento actual, a identificación das súas necesidades e a procura de solucións dixitais útiles para o negocio centrará a terceira edición do programa de emprendemento The Hop
Para iso, participarán empresas emerxentes que permitan mellorar o negocio dos hostaleiros como Xavou, un marketplace nacido na Coruña e que xa opera fronte aos grandes, Katoo, un ecommerce entre o local e os seus provedores que facilita a súa xestión e eficiencia operativa, ou Cheerfy, que dispón dunha solución sofisticada de fidelización de consumidores para locais de hostalería. Este ano non se lanzou unha convocatoria aberta senón que se seleccionou a unha serie de empresas con presenza no mercado e con solucións probadas, co fin de achegar valor inmediato ao sector da hostalería.
Hai xa tres anos que Hijos de Rivera apostou por pór en marcha The Hop, un programa de emprendemento colaborativo que tiña como obxectivo apoiar o desenvolvemento de modelos de negocio disruptivos e integrar o talento externo da comunidade emprendedora nunha empresa con máis dun século de historia. O resultado das edicións anteriores, dúas en España e unha en Brasil, concretouse nun ecosistema de 941 empresas emerxentes das que 12 tiveron a oportunidade de acelerar os seus proxectos en España, e 5 en Brasil.
Así, na primeira edición participaron Data Monitoring, a brasilera Flexsas, Supertech, Talentoo, Tappy e Trucksters; na segunda iCommunity Labs, Liight, Passion Motorbike Factory, 6DLAB, Sstrategy Watson; e en Brasil o programa contou con Carbono Zero, ChoppUp, Contraktor, Everlog e Kestraa.