Estes son os supermercados máis baratos de Pontevedra

Dous establecementos de Vigo son os que teñen a cesta da compra máis económica de Galicia, segundo un estudo da Ocu

La cesta de la compra se encarece. AEP
photo_camera Un supemercado. AEP

Os supermercados andaluces Dani, en Granada, e Carmela, en Jerez de la Frontera (Cádiz), son os máis baratos do país, onde os consumidores poden aforrar ata 947 euros ao ano de media na cesta da compra en comparación cos máis caros de España, de acordo co estudo Supermercados 2018 elaborado pola Organización de Consumidores e Usuarios (Ocu). 

En Galicia, os máis baratos están en Vigo e ambos son da cadea Alcampo: os situados nas rúas Grove e Madrid cun índice Ocu de 101 e 102, sendo 100 o máis económico de España.

En Pontevedra os cinco supermercados máis baratos son o Carrefour da rúa San Blas (110), o Mercadona de Juan Bautista Andrade (110), o Gadis da Avenida de Vigo (114), o Día Market da mesma rúa (115) e o Día Maxi da N-550, en Alba (115).

Das cinco cidades galegas que aparecen no estudo da Ocu, Pontevedra é a segunda máis cara, cun índice de 116. Vigo e A Coruña son as máis baratas (114), Lugo ten 115 e Ourense é a máis cara (120).

Por cadeas, sen que existan diferenzas de calidade nos produtos, a andaluza Dani repite como a máis barata, seguida de cerca por Supeco e Vidal. Atendendo só ás cadeas establecidas en todo o territorio, destacan Alcampo e Mercadona por ter os prezos máis económicos, mentres que El Corte Inglés e Ulabox.com son as que rexistran os prezos máis elevados.

Comentarios