O extesoureiro do PP Luis Bárcenas asegurou hoxe que non se apuntou ás listas do paro nin ten intención de facelo.
"Non me apuntei ao paro nin o vou facer", dixo Bárcenas aos xornalistas á entrada do seu domicilio en Madrid despois de que os informadores lle preguntasen se, logo de ser despedido do PP, realizara os trámites necesarios para apuntarse na lista do paro e cobrar así as correspondentes prestacións.
O ex tesoureiro do Partido Popular presentou esta semana unha demanda de conciliación contra o PP por despedimento improcedente no Servizo de Mediación, Arbitraxe e Conciliación (SMAC).
O acto de conciliación consecuencia desa iniciativa está previsto que se celebre nas próximas tres semanas e supón a fase previa á vía xudicial, xa que persegue un eventual acordo entre o traballador e a empresa.
