A entrada de inmigrantes a España a través do mar triplicouse no que vai de ano, con 33.215 persoas, mentres que no mesmo período de 2017 foron 11.464 migrantes.
Segundo os últimos datos publicados este mércores polo Ministerio do Interior, ata o 15 de setembro chegaran a España tanto por vía marítima como terrestre 37.979 persoas, fronte aos 16.090 que o fixeron o pasado ano a esa data. A maioría dos migrantes chegados en pateras fixérono ás costas peninsulares e Baleares (31.822), outros 611 a Canarias, 509 a Melilla e 273 a Ceuta.
Ademais, 4.764 inmigrantes fixérono por vía terrestre a través dos valos de Ceuta (1.525) e Melilla (3.239), un número similar ao do mesmo período do ano pasado cando se contabilizaron 4.626 entradas por esa vía.
