Un garda civil fóra de servizo destinado nun posto principal de Madrid, Christian Ríos, salvou a vida o pasado domingo a un bebé de 6 meses que entrou en parada cardiorrespiratoria nun parque de Leganés.
Os feitos ocorreron o pasado domingo, sobre as oito da tarde, cando o axente gozaba do seu tempo libre cuns amigos nun parque de Leganés, segundo confirmaron a Europa Press fontes da Garda Civil. Nun momento dado, comezaron a escoitarse berros que alertaban de que un bebé, chamado Izan, perdera o coñecemento.
O garda civil, con coñecementos en primeiros auxilios, reaccionou rapidamente e aplicou ao pequeno unha masaxe cardíaca ata que logrou recuperalo, mentres esperaba a chegada dos servizos de urxencia, que foran alertados.
Fontes do instituto armado precisaron que, segundo as asistencias médicas, a parada do bebé puido deberse a un episodio de morte súbita do lactante, porque o pequeno non sofre patoloxía ningunha e atopábase en perfecto estado de saúde.
A Garda Civil asegurou nas redes que, tras o episodio, Izan e Christian "xa son amigos para sempre".
