O Goberno de Canarias informou que a partir do mediodía deste xoves permítese o realoxamento de nove núcleos urbanos de Tejeda, na metade norte da illa, ademais da reapertura de tres estradas.
Incidiu ademais en que só poden regresar ás súas vivendas os veciños das zonas autorizadas, á vez que roga que se respecten as indicacións da Dirección do Plan INFOCA, xa que o incumprimento das mesmas pode carrexar consecuencias legais.
O presidente do Goberno en funcións, Pedro Sánchez sobrevoou a zona na que se atopa o incendio, que aínda está en fase de estabilización e que arrasou entre 8.000 e 10.000 hectáreas nun perímetro duns 112 quilómetros.
Sánchez, que reapareceu en Gran Canarias tras uns días de vacacións, garantiu que o seu Goberno envorcará "todos os recursos, todo o material necesario" para a seguridade e protección dunha contorna natural "tan marabillosa". Así mesmo, agregou, que como noutros incendios, as administracións "responderán para intentar axudar, na medida das súas posibilidades", xa que afirmou que haberá "moitas cousas que se perderon e non van poder ser restituídas".
HÉROES. Por outra banda, Sánchez tamén quixo trasladar unha mensaxe de enorme "gratitude" á profesionalidade as Forzas e Corpos de Seguridade do Estado, así como aos servizos de urxencia e a todo o persoal voluntario que se trasladou á zona do incendio para loitar "contra este monstro" que é o incendio. Neste sentido, agregou que o traballo realizado é "enorme", afirmando que se trata de heroes "anónimos", xa que non só protexen a vida e garanten a seguridade de veciños, senón que se están xogando a súa propia vida".
