O Consello de Ministros acordou este mércores presentar un recurso ante o Tribunal Constitucional (TC) contra a reforma da Lei de Presidencia da Generalitat de Cataluña que permitiría a investidura a distancia do expresidente Carles Puigdemont.
O xefe do Executivo, Mariano Rajoy, presidiu unha reunión extraordinaria do Consello de Ministros para aprobar a presentación do recurso, que conta co aval unánime do Consello de Estado, co que "o Goberno cumpre co seu deber defendendo a Constitución e o respecto á lei", segundo escribiu o presidente na súa conta de Twitter.
Un recurso que o TC -cuxo pleno se atopa reunido desde onte- podería admitir a trámite hoxe mesmo, o que suporía a suspensión automática da lei.
