O líder de Podemos, Pablo Iglesias, saíu "optimista" da súa reunión de máis de dúas horas co presidente do Goberno en funcións, Pedro Sánchez, pero non aclarou se é posible a formación dun goberno de coalición, tal e como el reclama, pero os socialistas rexeitan con contundencia. Iglesias recoñeceu saír moi contento desta primeira toma de contacto e subliñou que tanto Sánchez como el coinciden en que é unha demanda social que "haxa un entendemento entre as forzas progresistas para afrontar o futuro de España".
"Se en algo nos puxemos de acordo é que imos traballar para pornos de acordo", dixo nunha breve comparecencia na que recoñeceu que as posicións de partida son distintas -el quere un Executivo de coalición e Sánchez gobernar en solitario-, pero se mostrou positivo respecto ao pacto que se acabe alcanzando.
Na sala briefing do Palacio da Moncloa, tan só sinalou que ambos acordaron "traballar" para porse de acordo, pero pediu "paciencia" porque ese traballo vai ser longo e requirirá de "discreción" e "prudencia".
Os socialistas rexeitan de plano incluír a Podemos no Goberno e só se abren a contar con persoas "independentes de recoñecido traballo". Si están abertos en cambio a pactar con Unidas Podemos un programa de goberno, segundo fontes socialistas.
