España, Francia, Alemaña, Luxemburgo e Portugal repartiranse aos inmigrantes do Open Arms, que desembarcaron a madrugada deste mércores en Lampedusa (Italia), informou a Comisión Europea (CE).
Os cinco países enviarán a Italia equipos para levar a cabo o rexistro e entrevistas dos inmigrantes e facer outras comprobacións e tarefas de traslado, indicaron fontes comunitarias.
Entre os aspectos que se verifican nestes casos figura se teñen familia nalgún país da UE ou solicitaron o asilo con anterioridade.
