A Garda Civil investiga a un home de 49 anos como suposto autor dun delito contra os animais domésticos por obrigar a arar un campo a un equino ata a morte na localidade berciana de Borrenes (León).
Segundo a Subdelegación do Goberno en León, o Seprona da Garda Civil tivo coñecemento de que esta persoa enterrara un equino sen a "previa valoración da causa e certificación de mortaldade", que debe ser realizada por un veterinario, tal e como obriga a normativa vixente.
No transcurso das investigacións practicadas, a Garda Civil tivo indicios de que o animal falecería a causa dos malos tratos físicos ao que foi sometido, xa que, horas antes da súa morte estivo a realizar labores agrícolas consistentes en tirar dun arado "co que non podía".
As dilixencias e o investigado foron postos a disposición do xulgado de garda dos de Ponferrada.
