A Unidade de Delincuencia Económica e Fiscal (Udef) remitiu un informe ao Tribunal de Contas no que se denuncia que Podemos está a recibir financiamento ilegal desde países como Irán.
Segundo adianta a Cadena Ser, o informe Pisa (acrónimo de Pablo Iglesias Sociedade Anónima) está composto por 35 folios nos que se inclúen datos sobre contas bancarias e ingresos da formación morada. No documento denúnciase que a empresa 360º Global Media, propiedade dun cidadán iraniano residente en España, podería estar a financiar a produtoras vinculadas a Podemos.
A Udef solicita que se analice esta documentación para detectar se o partido de Pablo Iglesias incorreu en delitos fiscais, de branqueo de capitais ou de financiamento ilegal de partidos políticos.
A Udef denuncia ingresos irregulares en Podemos
Esta unidade da Policía considera que a formación de Pablo Iglesias podería ter incorrido en delitos fiscais e de branqueo de capitais
