O home infectado de rabia por mor da mordedura dun gato durante a súa estancia noutro país faleceu no Hospital Universitario de Cruces (Bizkaia), informou o Departamento vasco de Saúde. O falecemento produciuse este venres.
O Servizo Vasco de Saúde informou o pasado 6 de decembro da existencia dun posible caso de rabia humana que as análises remitidas polo Centro Nacional de Microbiología de Majadahonda (Madrid), laboratorio de referencia para esta enfermidade, confirmaron días despois.
Este caso foi único rexistrado en Euskadi nos últimos 30 anos e a infección é o resultado da mordedura que se produciu noutro país, polo que a Dirección de Saúde Pública subliñou que os animais domésticos do País Vasco están libres de rabia.
A rabia é unha enfermidade vírica que afecta o sistema nervioso central e que se transmite ás persoas pola saliva a través de mordeduras ou arañazos de animais domésticos ou salvaxes que están infectados.
O período de incubación é moi variable e pode ir desde unha semana a un ano, con dous meses a media estimada.
